جريدة الأهرام الجديد الكندية 
مقالات مشابهة
الأهرام الكندى
(حد يقولى ده اسمه ايه ) هذا هو العنوان الذى وضعه مواطن مصرى فى مقدمة كلامه وهو يحكى ما حدث له من عقيد شرطة
واليكم التفاصيل كما نشرها على صفحته على الفيس بوك
النهاردة وانا راجع انا واسرتى على طريق القاهرة العين السخنة انفجر أحد إطارات السيارة ، فأنقلبت السيارة على جنبها فى الرمال ، وبالصدفة كانت سيارتين نقل يمرون بالطريق فشاهدوا السيارة فهرعوا الينا مسرعين لإنقاذنا وبعد خروجى أنا وأسرتى من العربية بدأ السائقان فى مساعدتى لإخراج السيارة
وأثناء ذلك جاءت سيارة دورية الشرطة وخرج منها أثنين من الضباط
انا قلت بس دول شافونا و جايين يساعدونا ويطمنوا علينا
وفجأءة طلب العقيد الرخص وسحب رخص سيارتين النقل وسيارتى
حاولت أن أفهمه الأمر بأن عربيتى مقلوبة والناس دى بتساعدنى قالى اذاى تطلعو العربية قبل ما نعمل محضر ونشوف بوظت ايه فى الطريق
انا كنت مذهول ده والله ما سأل حتى أذا كان فيه حد مصاب
وبعد مجادلة ودموع سائقى النقل اللى كانو بيساعدونى عشان سحب الرخص ده هيخرب بيتهم
تنازل العقيد ووافق أن احنا ندفع غرامة 500 جنية عن كل عربية يعنى 1500 جنيه
وعشان الناس دى ملهاش ذنب دفعت كل اللى كان معايا 1200 وهما كملوا وأمامك صورة الوصل بتاعى ب 500 جنية
تفتكرو احنا لو فى بلد بتحترم شعبها كان يحصل كده .
