جريدة الأهرام الجديد الكندية مقالات مشابهة
الكل أتفق على أن نقابة الصحفيين هى الشر الأعظم فى مصر ..فلول وإخوان وناس عادية يعنى مش مصنفه وجزء من الثوار للأسف.
طيب بالراحة كده .. هى نقابة الصحفيين دى مش فى مصر ولا يكنش فى دولة تانى ….. لا هى فى مصر يا فندم بالفعل.. يعنى بتعانى من كل الأمراض اللى بتعانى منها مصر ..شوف بقى نقابة الصحفيين فيه فلول ورجاله لمبارك ودول كتير …. وفيها إخوان وأتباع للمرشد ودول برضوا كتير ……… وفيها ناس ملهاش دعوة بأى شىء مجرد موظفين صحفى بدرجة موظف بيوقع الصبح وبيقعد باقى النهار ممكن ميعملش حاجة بس المهم أنه يقبض مرتبه أخر الشهر ودول برضوا كتير.. متستغربش ما أحنا قلنا أن النقابة فى مصر .. وفيها شباب ثائر محترم وبالرغم من أن عدده قليل جدا لكن صوته عالى بيقف ضد الظلم وبيقف ضد أتباع مبارك والإخوان .. أستطاع الشباب ده أنه يجيب مجلس إدارة من أفضل مجالس الأدارات للنقابات فى مصر مجلس بيضم جواه ويمكن غالبيته مؤمن بالثورة وشارك فيها ومش عايز أحكى عن تاريخهم لأن مهما حكتب الناس دى مش حتأخد حقها
الشباب الصغير ده والثائر جوى النقابة .. هم أقل الصحفيين فى الدخول مرتباتهم متوصلش لمرتب أصغر موظف فى الدولة.. وبيشتغلوا فى أكتر من مكان عارفين ليه علشان أخر الشهر مرتبه يوصل ألف جنية أو ألف و500 جنية عارفين كده ولا لا…. اوعى تفتكر أن د ول بياخدوا زى رؤوساء التحرير بال 70 وال ال 60 ألف طيب شوف بقى لم يكون الشباب الصغير ده عدده صغير وظروفهم المالية زى الزفت وكتير منهم عايش على السلف والدين وكتير منهم مش قادر يتجوز ..
ومهددين بصفة مستمرة اما للموت أو للإهانة أو رفع القضايا فى الوقت اللى مفيش فيه قانون حرية لتداول المعلومات.. يعنى الصحفى علشان يجيب معلومة بيدوخ السبع دخات .. ولو عايزمعلومة من الأمن لازم تكون راجلهم أو تدين للولاء ليهم علشان تأخد معلومة .. والنيابة والقضاء كله بيطلع عينك علشان يديك معلومة.. يا راجل دى فيه مواطنين بيبقى معاها مستندات مهمة وبتبقى عايزه تبيعها بمبالغ ضخمة للصحفى علشان ينشرها (أين المصلحة العامة ) و لما الشباب ده يقدر يعمل كله ده وينجح فى إختيار مجلس إدارة قوى .. ويقف ضد قانون جائر أسمه قانون الإرهاب وبكده بيدافع عن نفسه وعنك .. فى الوقت اللى نقابة المحامين اللى فيها ما يقرب من نصف مليون عضو لم يتحرك لها ساكن ونقابة الصحفيين كل اللى فيها 10 ألاف صحفى بس قول أنت بقى ………. نسيت اقولك أن مش نقابة المحامين بس اللى صمتت دى مفيش نقابة فى مصر قالت حتى كلمة . بالرغم من المواد الجائرة داخل القانون …. نسيت أقولك أن الصحفيين الشباب دول لسه مبعوش نفسهم لحد مع أن المعروض عليهم كتير ولسه مؤمنين بثورتهم …….
فى النهاية قبل ما تهاجم أنظر الى نفسك عاتب نفسك الى مكانك ماذا فعلت لنفسك ولثورتك .
ستظل نقابة الصحفيين هى الحصن الحصين للحريات فى وطنى .
