فاكسات مهاجر يرسلها: مدحت عويضة

مقالات مشابهة

روسيا تحذر كندا بعد الاتهامات الكندية الأخيرة

‏أسبوعين مضت

موقف الهند بعد طرد كندا لستة من دبلوماسييها بسبب اتهامهم بالتورط في قضية اغتيال

15 أكتوبر، 2024

الرئيس عبدالفتاح السيسي في عيون الوطن !!

6 أكتوبر، 2024

السيسي
حزب النور ياريس مخلي أحلامنا في بكرة ضلمة.

البابا فرانسيس
قولت أنه من العار أن نحتفل بعيد القيامة مرتين، طيب يا سيدنا خلصنا من العار ده ربنا يخليك.

بدر عبد العاطي
مبروك تعيينك سفير لمصر في برلين لو كنت قريب عبعاطي كفتة وحياتك أوعي تاخد صباع كفتة معاك.

أحمد موسي
أيوه ياعم إللي له عم ما ينضربش علي ضهره أبدا.

مرتضي منصور
زي ما صلحت خرابة الزمالك نعملك رئيس وزراء يمكن تصلح خرابة البلد.

السلفيين
بتفتوا بتحريم شطافة الحمام في رمضان، شكلكم عايزين تتاجروا في الزلط جاتكم القرف.

مصطفي بكري
نجوي فؤاء وسهير زكي راحت عليهم لوسي خلاص أما أنت معلم عمرك ما هتعتزل الرقص.

محمود سعد
محمد ناصر قال إنك قبضت مليون دولار لتلميع مرسي، أه يا بلد مش لاقي فيها واحد بيحبها.

أمير قطر
جمعت القرطاوي والعريفي والقرني علي مأدبة رمضان، صدقني من زمان بقول عليك قرني ابن قرني.

البرادعي
أنت فين يا أخويا مافيش تويتات ليه، ان عايز تويته لابسه مايوه من شواطئ بلاد الفرنجة.

رامز جلال
كنا نفتكر رمضان زمان بأحلي مافيه الفوازير، دلوقتي بقي رمضان كله رخامة وبرامج مقالب

سعاد صالح
بتقولي من حق المحتل أن يستمتع بالنساء الأسري، أولا كسر حقك، ثانيا روحي عيشي في الأرض العربية المحتلة.

هنري كيسنجر
بتقول أمريكا مسئولة عن تسليح داعش، صدقني كلنا عارفين ما جبتش الديب من ديلة يعني.