جريدة الأهرام الجديد الكندية 
بقلم : حليم منجا
==================
قصيدة المحبه
المحبه هى اسمى ما فى الوجود
تقبل الاخرين من غير شروط أو بنود
هى بذل هى عطاء ملهوش حدود
هى ذراع خير لكل الناس ممدود
المحبه لا تعرف كلمة حاسد أو محسود
بها تتقوى روابط الموده كالحبل المشدود
فكم من ازمات بالمحبه اتحلت على مر العقود
عيش بالمحبه يتفتح امامك كل طريق مسدود
من غيرها هتفضل كالساقيه تلف وتدور
من غيرها هتفقد كل احساس وشعور
من غيرها هتفقد الابتسامه والسرور
من غيرها يفضل القلب حزين مكسور
بالمحبه ترفع عن اخوك حمله الثقيل
فالمحبه عطاء ملهاش مكان عند البخيل
اللى عايش بها سعيد يوصف بالاصيل
بها تمشى بخطى ثابته من غير ما تميل
ان عشت بها ترفع عن الاخرين الاحراج
وفى وسط البحر الهائج ترفعك فوق الامواج
فهى لكل الامراض الدواء و العلاج
هى لكل سجين الحريه والافراج
اللى عاشوا بالمحبه ضربوا بهم الامثال
لان المحبه مش كلام هى عطاء وافعال
فى الحياه تعطيك قوه وصبر واحتمال
أن عشت بها تنجح فى كل مجال
المحبه عظيمه لا تقدر باثمان
دواء للجريح وراحه للقلب التعبان
تحول العدو فيصبح واحد من الخلان
فهى تعطى حياه كالدم فى الشريان
المحبه اعظم من الدرر والالماس
هى منبع العاطفه والاحساس
هى قوه تغير قلوب الناس
من غيرها تعيش دايما محتا س
بالحب تكسب الناس وعمرك ما ها تخسرها
بالحب تشوف السعاده فى العيون ونظرها
بالحب تتمتع وتسعد لما تسمع كل اخبارها
ازرع كلمة حب بكره تقطف ثمارها
