جريدة الأهرام الجديد الكندية 
مقالات مشابهة
الأهرام الكندى
توالت ردود أفعال النشطاء الأقصريين حول العملية الإنتحارية التى تمت بمعبد الكرنك .
حيث قال أحد مدير شركة تعمل بالبالون الطائر ، بالنسبة لحادث الكرنك لازم نقول الحمد لله علشان اللى فجر نفسه او اللى الشرطة قتلته دخلوا المعبد من بوابة المعبد الرئيسية وهيا الوحيدة المتأمنة محدش فيهم فكر يدخل المعبد من مدخل نجع الطويل او من اى مدخل تانى مش متأمن معبد الكرنك فيه اربع مداخل تقريبا ومدخل واحد بس هو اللى متأمن اللى دخل منه الارهابيين وده كان سبب ان الخسائر تكون قليلة الحمد لله الذى لا يحمد على مكروه سواه الاقصر طول عمرها عايشة فى الهم ده وهتفضل عايشة فيه طول حياتها علشان كل بنى ادم بيجى البلد او بيحكم مصر مش بيبص لها ولا هيبص لها لكم الله يااهل الاقصر
مدير شركة سياحية قال : مجرد سؤال عاوز حد يجاوبنى عليه
الارهابيين دخلوا ازاى بارك الكرنك من غير ما يتفتشوا مع ان شكلهم موش أجانب . دانا اللى من الكرنك ابا عن جد و ساكن جنب المعبد وبطاقتى مكتوب فيها مدير سياحه وبالرغم من دا كله بيتم تفتيشى ولسه من فتره قريبه ضابط فتش مرشد تفتيش ذاتى أمام الزبائن. طيب أزاى الارهابيين يدخلوا من غير ما حد يسألهم ويقعدوا على الكافيتريا ويشربوا ليمون وبعد كده اللى يبلغ عنهم سواق التاكسى واول حد يتعامل معاهم الاهالى والبهوات اللى مكلفين حراسة المعبد ميطلعش منهم غير راجل واحد هو اللى اتعامل مع الارهابيين . حد يجاوبنى ويفهمنى ولا هما بس كل همهم يرخموا على الناس اللى داخله تشوف شغلها ؟؟!!. حد يجاوبنى .
