جريدة الأهرام الجديد الكندية 
مقالات مشابهة
الأهرام الكندى.. نشرت صفحة الجالية المصرية بالسعودية رساله لمواطن مصرى يسمى حمدى محمد ما أحتوته رساله حمدى والتى جاءت تحت مسمى (نصيحة ) على تغيير مفاهيم مغلوطة لدى الوافدين تجاه مكتب العمل
وكيف حصل على حقوقه كاملة من خلال مكتب العمل
واليكم نا قام بنشره بالضبط بدون تدخل منا
# نصيحة
مساء الخير عليكم جميعا .. من فترة كده ييجى شهرين او اكتر كنت بابعت مشكلتى هنا والحمد لله وبفضل الله ربنا رزقنى بناس ذى الفل والحمد لله
كل الموضوع انا عايز الكلام ده يقراه اكبر عدد ممكن من الجاليه ..
انا كانت مشكلتى انى فى فترة ال 3 شهور وظروف والدى اجبرتنى انى اقدم استقاله وانزل نهائى ( الحمد لله ) بس مشكلتى ان الكفيل رفض نزولى وقعد يماطل فيا وانا كنت هاستسلم لولا واحد حبيبى اوى فى الشغل معاياقالى اوعى تتنازل وروح مكتب العمل …. لما خدت راى الناس هنا كل الناس قالتلى اوعى مكتب العمل … بصراحه انا خوفت لكن صاحبى ده جمد قلبى … المهم انا كان ليا حق فعلا .. روحت المكتب وعملت الشكوى وفضلت كده لحد الجلسه التانيه … بصراحه المكتب جابلى حقى واجبره انه ييجى ويتصالح معايا والله يا جماعه انا اللى فرضت شروطى عليهم واديته فرصه شهر امشى فيها ويكون هوا شاف حد بديل … الموضوع هنا اللى اقصده لو ليك حق ومتاكد منه روح مكتب العمل وان شاء الله ربنا هوه اللى هاينصفك مش المكتب بقا … وعلى فكره لما جالهم انذار بالجلسه التانيه والله طلبوا منى اتنازل وهما هايخرجونى عملت عبيط وقولتله لا مش هاينفع اتنازل لازم تصالح وفى المكتب نفسه وقبل معاد الجلسه التالته بيوم كنت موجود انا وهما فى المكتب والمحقق بيكتب الشروط ومضيت عليها انا وهما وبالظبط بعد شهر واسبوع كنت رجعت … الحمد لله على كل حال
صورة مما نشر
