جريدة الأهرام الجديد الكندية 
مقالات مشابهة
بقلم .. إبراهيم السمان الخطاري
وعشان الفقر اللي في بلدي قررت امشي
موضوعي ان انا بتعامل مع ناس زي مباخد لازم ادي
قررت اسافر اتغرب هبعد عن ناس غالين عندي
واهوا قلت اسافر واتعلم والرزق حلال
واللقمه الحلوه اقسمها واللحظه الحلوه هكملها وان دقت المر هجملها انا عندي عيال
كان نفسي يابلدي تضميني وبشغله شريفة تعيشني وبعيشه بسيطه ترضيني.
على قد الخير اللي بجيبه انا بدفع سعر.
وبحلو الشغل وبعيوبه يحزن ما يسر.
كان نفسي اعمرلك ارضك
ازرعها واشوف منها وردك واستجمع خيرك
لكن دلوقتي تعا شوفي خيري وتفكيري وتدبيري بينجح غيرك.
سامحيني لو مره غلطت مهو من تعبي .
معروف عن نفسي اني مبقدرش عن غيري اخبي
وزي يا بلدي ماانتي دايما غنوه حلوه لمكتئب .
خليكي معايا دايماً انا ابنك المغترب. ..
اهداء الى كل مغترب عن بلده …
