![الحكومة المصرية](https://www.ahram-canada.com/wp-content/uploads/2015/02/الحكومة-المصرية.jpg)
الأهرام الجديد الكندى
قمنا بالأمس بنشر خبر مفاداها بأن الحكومة المصرية قررت
من خلال بيان اصدره الدكتور مصطفى مدبولي، وزير الإسكان والمرافق والمجتمعات العمرانية، طرح 3 آلاف و183 قطعة أرض مميزة في ٣ مدن جديدة 23 فبراير الجاري وأسعارها كالتالى : 2500 قطعة في مدينة القاهرة الجديدة بسعر 450 دولارًا للمتر، و311 قطعة في مدينة الشيخ زايد بسعر 610 دولارات، و372 قطعة بمدينة دمياط الجديدة بـ 385 دولارًا، موضحا أن الدفعة المقدمة بالدولار من سداد مقدمات الأراضي تصل إلى 292 مليون دولار.
«تتراوح مساحة القطع المطروحة بين ٦٠٠ إلى ١٠٠٠ متر مربع، وسيجرى البناء على ٥٠ ٪ من مساحة الأرض، والسماح ببناء بدروم ودور أرضي، و٣ أدوار متكررة»،
وبمجرد قراءة المصريين بالخارج للإعلان جاء ردهم فى منتهى القوة وسننشر لكم هنا عدد من الردود بدون أن نذكر اسماء
حيث قال أحد المصريين بالخارج ، طب ما هي نفس الارض كانت بتباع المتر بجنية لاحمد عز ورجالة مبارك.انتوا فاكرين ان المغترب ده اية علي النعمة في ناس شغاله ب١٢٠٠ريال …
وثانى قال ، انت جميل وكيوت خالص ، فاكر نفسه هيقلبنا زي ما قلب بتوع الخليج في 30 مليار دولار
وثالث قال طب مفيش حاجه مميزة بالتقسيط المريح زي اللي بتتعرض لبتوع الجيش وبتوع القضاء الشريف اعتبروا بتوع الغربه الشامخين
ورابع: وانا لو معايا الفلوس اللى هما كاتبينها دى كنت جيت السعوديه ليه ؟؟؟؟؟!!!!
وخامس : متر الارض 450 دولار واقل مساحة 600 متر يعني ارض في التجمع الخامس تعملها 270.000 دولار يعني 2 مليون وشوية .. سعادتك انا لو كان معايا المبلغ ده انا مكنتش اتغربت اصلا … طب ما يبيعوها لرجال الاعمال زي احمد عز وعامر جروب وغيرهم علي الاقل دول فلوسهم حاضرة .. اه صحيح نسيت دول بياخدو الاراضي برخص التراب وبالامر المباشر … لكن اللي ينضحك عليهم ويتقلبو لازم يكونو الغلابة المغتربين المتكحولين اللي لو كانو لقيو مستقبل كويس ليهم في مصر مكنوش اتغربو من اساسه … عظيمة يا مصر
اقل قطعة ارض 600 متر ومتوسط السعر 450 دولار …. يعني تقريبا فوق ال 2 مليون جنيه …. ده بس الارض …. ضيف عليهم المباني والخدمات وغيرها …..ديه اغلي من اسعار اوروبا نفسها وسادس : دي مطروحه لرجال الاعمال والخليجيين والله مش لينا صدقوني احنا كوبري بيعدو عليه للي هما عايزينه
انا لو معايه تمن 100 متر فى 450 دولار والله متحرك من مصر ههههه
وسابع : لا استطيع الا ان اقول ان وزير … من حكومة .. …يعنى لما تبيع متر الارض فى الشيخ زايد صحراء جرداء بقيمة 5000 جنيه مصرى المتر وتبنى اخرك 3 ادوار على مساحة 50% يعنى لو عايزة شقة محترمة تاخد ارض 400 متر عشان تبنى على 200 متر والباقى زكاه …يعنى ارض 2 مليون …يا بلاش فى صحراء الشيخ زايد وتبنى بمليون كمان …يعنى بحسبة بسيطة عايزلك 30 سنة عشان تعمل مشروع تقضى عمرك كله متغرب .. يا حكومة … .ده اسمه نصب مع سبق الاصرار ….طيب اعتبرنا يا اخى رجال اعمال وادينى بالسعر الى بتديهم ليه …مشروع جرين بلازا من عائلة المغربى كانت واخد المتر تقريبا 80جنيه ده بعد ما الحكومة قيمته بعد القضية ….بس شكلك فاكر المغترب الى هرب من بلده عشان كان بيطفح الكونة ومش لاقى فلوس …راح اتغرب برة عشان يوفر اى قرش زيادة عشان فى الاخر تيجى الحكومة برضوا تنصب على فيه ….حسب الله ونعم الوكيل فى حكومة همها حلب الشعب المصرى ….احلب يا عم محلب
وثامن: نصبوا على المصريين فى الداخل دلوقتى جه الدور على المصريين فى الخارج
وتاسع: انا عندي بيت في منطقة اناهيم في مدينة لوس أنجليس في ولاية كاليفورنيا وسعره 480 الف دولار. يعني اشترى بيت في أمريكا ومبنى جاهز وفي منطقة رائعة وأرخص من مصر. الحكومة دي يا إما فاكريننا جهلة أو حرامية أو وصل بنا الهبل إننا نشتري بالسعر ده يا إما من كتر فلوسهم فاكرين الناس زيهم فلوسهم جاية بالساهل. لأ وآل إيه سامحين لنا نشتري قطعتين.
دوروا على شئ تاني يجيب فلوس مش النصب علينا مش كفاية سايبين البلد ومش بناخد منها غير قلة الإحترام. روحوا موتوا.
وتاسع :السلام عليكم أحب أوضح لحضراتكم الموضوع الأرض المعروضة أرض في مواقع مميزة جدآ جداً ودي المرحلة الثانية أنا استغربت من الأسعار في المرحلة الأولى ذي حضراتكم ولكن لما نزلت أجازة وعرفت الأسعار في المناطق المشابهة أغلى من كده ولكن كاش الأرض دي للمغتربين أصحاب الأموال الذين يبحثون عن أماكن راقية نفس مستوى سكنهم في غربتهم وأغلبهم في أوروبا ويوجد مستويات أقل يوجد شقق الشباب مقدمها 5000 جنيه ويوجد أرض القرعه سعر المتر شامل المرافق لا يتخطى 600 جنيه في المدن الجديدة فقط وربنا يرزق الجميع
فى النهاية عرضنا عليكم جزء بسيط جدا من الردود اللى جاءت من المصريين بالخارج ولو كنا نستطيع لو وضعنا آلاف الردود التى تؤكد أن هذه الحكومة تسيير ضد مصلحة المصريين بالخارج والداخل