جريدة الأهرام الجديد الكندية 
مقالات مشابهة
الأهرام الجديد الكندى
قام أبناء مركز ومدينة نقادة بنشر مرثية على صفحاتهم المتعدده قالوا عنها منقوله من أحد الشعراء حزنا على روح الشهيد خالد محمد عبد العاطى ابن مركز ومدينة نقادة وشهيد الواجب الوطنى ، تحمل المرثية كلمات فى غاية الشجن والحزن أبكت كل من قام بقراءته وأنتشرت بصورة كبيرة بين محبيه وأصدقائه ، واليكم نص كلمات المرثية
امانه عليك يا قبر ما يكون فيك حصى ولا طوب
جايلك ولد زين من غدر الزمان معطوب
بداية قصته كان لخدمة بلدة مطلوب
ولبى الندا كما لو من عاشق لمعشوق..
استلم مخلته والقايش لبسه بالمقلوب
لم صحبته بضحكته وقلبه كان طيوب
وقف خدمته والبرد فصص جتته
والشمس زودت سمارة على ايده وجبهته
اترجى لشاويش يااااااااااه على فرحته
عدت أيام ولا نام يوم على فرشته
صابر وراضى دا حتى ما بيختار لقمته
متحمل ليوم خروجه عشان دا يوم دخلته
خلصت الأيام وراجع عشان يسلم مخلته
اصل امه مستنياه ومحضراله زفته
ركب ويا ا صاحبه قصتهم زى قصته
وعقله كان مشغول وقلبه بينبض بفرحته
وفجأة غدر بيه شويه كلاب على غفلته
لا قدر يقول اه ه ه ه ولا طلعت صرخته
رجع لامه وبرضه صممت على زفته
وخدته فى حضنها وباسته على جبهته
وقالت بصوت عالى يا محلى جنته
ودى كانت قصه صحابه إللى زى قصته
