الأهرام الجديد الكندى
حقيقة ان تنتقد نفسك وتعرف ما لك وما عليك أفضل بكثير من ان تنتظر من ينتقدك هذا ما فعلته الشهيده شيماء الصباغ فى تويته لها قبل استشهاده ننقلها لكم بالنص قالت فيها الأتى
اعتبروها خطرفة واستحملونى شويه .. ليه كل الناس رابطه نزول الشارع ب 25 يناير .. طيب حتنزلوا الشارع حتعملو أيه تهتفوا شويه يا فرحتى .. تقولو ما احنا عملناها قبل كده ونفعت اقولكم الذكى اللى يقرأ الواقع … ويحسب احنا قدامنا ايه بشكل حقيقى عشان ننجح اى تحرك شعبى .
طيب اقولكم على حاجة لو عملنا أستبيان دلوقتى لعدد 100 فرد ، مش حيبقى المطلب الاساسى للمواطن هو الامن والامان طيب اسال امك كده وابوك انتم واثقين فى السيسى ولا لا ، بلاش كل ده .. انت يا ثورى تساوى ايه من غير جمهور عملت ايه علشان توعى الجماهير .. اقنعت كام حد مش على القهوة فى عيلتك بفكرك الثورى .. تقدر وأنت نازل تجيب كام واحد من أهلك معاك طيب قادر توجه قرايبك واهلك بفكرك .. طيب قادر تنظم نفسك واللى حواليك .. طول عمرنا مهتمين نفكر مع بعض ولبعض وضد بعض وحولين بعض .. ودلوقتى عايزين تنزلوا والناس وراكم .. انت مين يا ض انت وهو وانا معاكوا .. عملنا ايه علشان نقود الجماهير .. ابنوا نفسكم الاول وأنزلوا للناس وبعدين يبقى حطوا تاريخ مناسب لاحلامكم وارحمونى وسامحونى على قلة ذوقى .. لانى مختلفش كتير عنكم .
![التويته](https://www.ahram-canada.com/wp-content/uploads/2015/01/التويته-بتاعت-شيماء.jpg)