جريدة الأهرام الجديد الكندية مقالات مشابهة
الأهرام الجديد الكندى
نشرت صفحة الجالية المصرية بالسعودية تحذيرا ارسله أحد المواطنين المصريين بالسعودية اليها يحذر فيه اخوانه المصريين المقيميين بالمملكة او القادمين لها واليكم ما قامت بنشره الصفحة بالنص بدون تدخل منا .
تحذير لكل المصريين اللى موجودين فى السعودية او اللى لسه هايسافرو السعودية حبيت أحذركم من التعاقد مع مؤسسة مقاولات اسمها محمد عبدالعزيز اليحياء مقرها الرياض ومواقعها فى اماكن كتير ف المملكة لأن المؤسسة دى بتأخر الرواتب بصورة مستمرة وكمان ادارة المؤسسة مش مهتمة بالشغل حاطين رجل على رجل فى الرياض وسايبين الناس ف المواقع مش لاقيين ياكلو واللى بيطالب بحقوقه بيقلبو عليه ،
كمان المكتب اللى بيتعاملو معاه ف مصر اسمه (عباد الله) ومكانه ف كوبرى القبة ف القاهرة ومديره اسمه مدحت بيعملك من البحر طحينة لحد ماتسافر وتتصدم بالواقع بنفسك،
رجاء من الجميع الانتباه عشان ما تندموش زى ناس كتير ندمت انها اشتغلت معاهم، اللهم قد بلغت اللهم فاشهد
ونحن من ناحيتنا فى الأهرام الكندى نشرنا التحذير دون ان نتحقق من تفاصيله وقمنا بنقله من صفحة الجالية المصرية وهى واحده من أهم وأكبر الصفحات المعبره عن المصريين هناك
ونرجو المسئولين عن مؤسسة المقاولات سواء داخل مصر أو خارجها بالرد للوصول الى حقيقة الامر وسنقوم بنشر اى رد لهم
