فاكسات مهاجر يرسلها: مدحت عويضة

مقالات مشابهة

روسيا تحذر كندا بعد الاتهامات الكندية الأخيرة

‏أسبوعين مضت

كوريا الجنوبية وكندا تبحثان التعاون المشترك بعد نشر “بيونج يانج” قواته في روسيا

‏3 أسابيع مضت

كوريا الشمالية : أي نشر لقواتنا في روسيا هو ضمن القانون الدولي

‏4 أسابيع مضت

السيسي

رئيس اليونان ورئيس قبرص مرة واحدة حرام عليك… رأس أردوغان هتتحمل إيه ولا إيه

الإخوان

بتقولوا قبرص أصغر من الفيوم طيب ما قطر أصغر من حي السيدة زينب.

توفيق عكاشة

بعد رجوعك في دور المعلم وقعدت علي المصطبة وشغال تدمير في المخزون الإستراتيجي للإخوان إللي هم البسطاء… خليك علي كدة أثبت ربنا يثبت دماغك.

أوباما

بتقول الحل إيقاف القتال في سوريا والأسد سبب تمدد “داعش” ليه هو الأسد إللي مولهم بالأسلحة والمال يا فاشل.

حزب النور

بعد ظهور الفيديوهات الجنسية للداعية وقيادي الحزب “عنتيل” أقدر أقول أحنا ما عندناش أحزاب دينية أحزابنا جنسية.

اللواء عبد العاطي

شوفنا كجهاز وسمعنا عن صباع كفتة وماشفناش علاج… الأمريكان أنتجوا 12 عقار لعلاج فيرس سي من غير جهاز ولا كفتة.

السلفيين

بتدعوا لثورة يوم 28 نوفمبر وماله يا أخويا ما يضرش ورونا شطارتكم يمكن نفوق ونلغي الأحزاب الدينية ونستريح منكم.

دار الإفتاء

بعد الإفتاء بأن نوم الطفل عشر سنين بجوار أمه حرام أقولكم معاكم حق أحنا لو بطلنا نخلي العيال هنحل كل مشاكل مصر!!!.

فايزة أبو النجا

بصراحة كنت معترض علي تعيينك مستشارة للرئيس… لكن لما شوفت إنزعاج الأمريكان منك قولت دي تبقي مصرية وطنية جميلة.

البرادعي

العيال بتوعك عمالين يقولوا السيسي 60 سنة محلب 70 سنة وحياتك قولهم عمرك كام يابوب ولا أقول أنا (72سنة).

أردوغان

داعش علي حدودك ما هو إللي يربي تعبان لازم يتلدغ منه.

محمد مرسي

كل ما بسمع أن السجن مافيهوش بط بحزن عليك قوي….وأفتكر أغنية سيد درويش إزاي يا ناس إبن الكيف يقدر يعيش.

بوتين

خش يا بوتين وطهر سوريا من داعش وأرحمنا من تمثيلات علي بابا والأربعين حرامي.

صباح

في عيد ميلادك ال (87) اعالم ينتظر من هو الفتي الذي سيرتدي التي شيرت رقم (11).

ونيس

يا خايب وحدة وفي العربية وعلي الزراعية شوف أخوك عنتيل عشرات وفي البيوت ومستور بصراحة أدائكم الجنسي في تطور مستمر

محمد أبو تريكة

أبتديت حياتك مغمور ثم صرت أسطورة كروية ثم نافورة من غير مصدية من غير مياه.