شعر / محمد عربي عابدين
كلميني يا ارض كلميني
طمنيني وخبريني
زرعك طرح
طب إتْزرَع
ولا هم مطنشين .
ولا مات الحنين .
كلميني عن اللي زَرَع
كلميني عن اللي حَصَد ..
كلميني عن اللي إتْغَرْب ،
كلميني عن اللي قَرْبْ
في بعدك إتهَنا ولا إتعذب ؟؟
كلميني عن اللي اتهنيَّ
كلميني وخبريني
يعني وحشك ولا يبعِد ويستنيَ …
كلميني يا ارض كلميني وخبريني
يعني نقول كفاية غربة
ارجع ليكي نزرع زرعة
تطرح فرحة
لكل الأحبة
ولا ناوية تعذبيني
كلميني وخبريني
واوعي ف مرة تنسيني
_______________
وحشاني يا أرض مصر
![](https://www.ahram-canada.com/wp-content/uploads/2016/02/13-15-660x330.jpg)
محمد عربى عابدين