جريدة الأهرام الجديد الكندية مقالات مشابهة
الأهرام الجديد الكندى
دشن مجموعة من شباب الثورة حملة على موقع التواصل الاجتماعى “فيس بوك” تحت عنوان “عاوزين نهاجر يا حكومة”، تطالب السلطات الحالية بتسهيل سفرهم خارج مصر بسبب ما اسموه “تدنى الظروف الاقتصادية والأمنية وانتشار الفساد”، على حد وصفهم.
وقال أحد الشباب ويدعى محمد إبراهيم، أحد أعضاء حركة 6 إبريل بالاسكندرية “أملنا كان كبير اوى إننا نغير بلدنا ومانشوفش فيها ظلم ولا فساد، ولكن أصبح النظام لا يوجه إلينا إلا حملات التشويه والقتل والاعتقال، فقتلوا طموحاتنا وقتلوا أحلامنا، ومش مكفيهم كده وبس لا دول كمان بيخلصوا علينا واحد واحد، وعشان كده قررنا اننا نحافظ على الفصيلة بتاعتنا من الانقراض وقررنا اننا نسافر اى دولة محترمة تكون بتقدر الانسان وبتحافظ على كرامته وحقوقه.. إحنا من الآخر هنسيب البلد دى للى عاجبه حالها على كده.. هنسيبها ونهرب وهوه يبقى يبلها ويشربها”.
وأضاف: “هدفنا جمع مليون شاب مؤمنين بالفكرة والنزول لعمل وقفات قدام السفارات اللي في مصر. صوتنا لازم يتسمع، والنظام لازم يفهم ان الوضع مش عاجبنا ويا اما البلد تتغير والفساد اللى فيها ينتهى يا اما تغورونا في أى حتة”.
وعلقت إحدى الفتيات وتدعى “زينب مصطفى” متسائلة: “تهاجروا فين بس؟.. خلينا عايشين في بلدنا بدل ما كرامتنا تتهان بره”.
وعقب أحد أعضاء الدعوة ويدعى “مصطفى محمود”: ” ياريت ياجماعة مانستهونش بالموضوع ونتعامل معاه على إنه إيفنت ع الفيس وخلاص….الفكرة لو إتنفذت صح وإتحشدلها عدد محترم صوت الشباب مش هيوصل للنظام بس ..لأ ..ده هيوصل للعالم كله وهيغير نظرة العالم للنظام وهنجبر الكل على إنهم يسمعونا لما يتأكدوا إن فيه فئة كبيرة تعبت وإتخنقت ويعرفوا إننا قنبلة موقوتة لو ماحسناش بقيمتنا ف بلدنا ومخدناش حقنا فيها الدعوة لاقت اعتراضا من البعض معتبرين أن الهجرة هروب وضعف، وكذلك قد تتعرض في الخارج لإهانات بالغة.
المؤيدون للفكرة ابتدعوا عدة شعارات منها “سفرونا سفرونا طلعتوا عين اللي جابونا” و”المكسيك إرادة شعب”، ونشروا أسماء لبعض الدول المرحبة بالهجرة إليها ككندا ونيوزيلندا والنرويج والدوحة وألاسكا والمكسيك.
وقال أسامة عادل “عايزين نهاجر عشان البلد مش عايزانة، وعشان الشعب ده رافض اي حد حر وعنده عقل، يا إما تكون عبد وتلحس يا إما يقتلوك او يسجنوك ودمك يكون حلال”
شاهد المحتوى الأصلي علي بوابة الفجر الاليكترونية – شباب الإخوان يدشنون حملة تطالب بتسهيل إجراءات مغادرتهم مصر
