جريدة الأهرام الجديد الكندية 
مقالات مشابهة
وضع الناشط المصرى مدحت عويضة المقيم فى كندا مبادرة عملية على صفحته على الفيس بوك للقضاء على الطائفية التى يقوم بزرعها المتطرفين لدى الأطفال من الصغر المبادرة عبارة عن شراء ملابس العيد لطفل مسلم جاءت المبادرة تحت مسمى هات لبس العيد لطفل مسلم للقاء على الطائفية من الصغر
وتدور فكرة المبادرة على أن كل شخص مسيحى يبحث عن طفل مسلم فقير أو ابن جاره أو صديقه ويقوم بشراء ملابس العيد ليه ، وحينما يكبر هذا الطفل مهما حاول متطرف زرع الفتنة بداخله مش هيقدر لأنه هيفضل فاكر لبس العيد
وفي عيد الميلاد يقوم المسلمين بنفس المبادرة بشراء ملابس العيد للأطفال المسيحيين ولم يكبر الطفل المسيحى حيبقى فاكر الرجل المسلم اللى أشترى ليه ملابس العيد ، فعمره ما حيخاف منه ولا يبعد عنه
ثم قال مدحت عويضة لو عملنا كده وقدرنا مثلا في سنة نزرع الحب في قلب مليون طفل بكرة هيبقي عندنا مليون شخص أسوياء و لو في عشر سنين لو تعميم الفكرة هيبقي شباب مصر كلهم أسوياء من التعصب والطائفية.
ثم انهى مدحت عويضة كلامه قائلا المبادرة دى أفتكرتها لما أرسلت عديه لأولاد أحد أصدقائى وقولتله تقولهم العدية من عمكم مدحت، وأن الفكرة ليست بدعة وانما قديمة
وفي عيد رمضان كان البيت يملىء بالكعك والبسكويت والغريبة من المسلمين والمسيحيين كانوا بيعملوا العكس أحنا مش محتاجين نخترع أفكار احنا محتاجين نحي الروح المصرية الجميلة مش بالكلام ولا الورود علي صفحاتنا على الفيس بوك لكن نشتغل بجد لو احنا بنحب البلد دي وعايزين مستقبلها أفضل .
