جريدة الأهرام الجديد الكندية 
مقالات مشابهة
أى كيان أو مؤسسة أو شركة أو مشروع لا يتم توجيه نقد هى كيان ميت .- الكنيسة مؤسسة روحية دورها تنقل تعاليم المسيح للناس و ترعاهم فى الايمان.
أى تقصير فى التعليم، فى الشرح، فى الخدمة مسئولية الكاهن ومن وراه الأسقف و من وراهم البطريرك
والمجمع المقدس.
من سنين طويلة توقفت الكنيسة عن خدماتها المركزية ، لا يوجد تعليم ، لا يوجد افتقاد ، لا توجد متابعة
لا يوجد نمو روحى ، فيه هيصة و هيصة و هيصة.
حضرتك شوفت قبل كده منطقة حصل فيها حالات ارتداد فالكاهن يتحاكم كنسيا ؟
طب يتسأل من أسقفه ؟ طب حد يقوله طريقك منين ؟
اخر مرة حضرتك شوفت مجموعة لاهوت دفاعى فى كنيستك كان من كام وتلاتين سنة ؟
اخر مرة كاهن جالك البيت يصلى معاك ؟ خادم يفتقدك ؟ حد يعرف أنك موجود اصلا ؟
طب أيه رأيك فى اخر رحلة ؟ كانت جامدة جدا صح ، لفة كده فى الأديرة ونرجع ضميرنا مرتاح
طب اخر كام شنطة لأخوة الرب ووقفناهم فى الشارع أو حوش الكنيسة نفرج عليهم خلق الله
خدمة حلوة يا عم صح.
سيبك أنت ، طول ما الاسقف بيجيب الكاهن عشان يحاسبه على الرخام و شنط العيد والخناقة بتدور حوالين
كل كاهن له كام قداس و نسبته كام فى التبرعات مفيش كنيسة ستنمو.
الارتداد مسئولية الكاهن وتطلب الرعية من يد الكاهن فلو الكاهن بيتحاكم من أسقفه والأسقف بيتحاكم من
مجمعه و بطريركه هنشوف تانى انتشار لمدارس اللاهوت الدفاعى وأجيال أقوى بكتير من الأجيال
بتاعت طبل الكشافة و صيحات الطابور وهيصة الاجتماعات و الرحلات.
نصيحة ، أعملوا مجموعات اللاهوت الدفاعى جوه الكنيسة قبل ما تتعمل بره الكنيسة لأنها بره الكنيسة
مش هتشوفكم ابدا آباء لكن هتشوفكم “موظفين”
