جريدة الأهرام الجديد الكندية 
مقالات مشابهة
ياريت تسرعوا بتفعيل إضافة مادة الدين للمجموع ونشر كتاتيب مولانا بسرعة وزودوا من البرامج السلفية أكتر وأكثر وعلى كل المنابر المتاحة وغير المتاحة
يمكن الشارع يخلّص على بعضه أسرع وننتهي من وحل الفوضى المشتت دا بدل ما احنا كل يوم نسمع
على إعجازنا العالمي الفاضح والفاشل في اختراع أبشع الطرق للإرهاب والجريمة المجرمة
والظريف مع كل هذا تلاقي أغلب الشارع المؤمن على نفسه في حالة من التبلد العقلي والنفسي وبيفتي
“علشان بعدنا عن ديننا ” طيب..عمليات الدهس والطعن لناس آمنة و اللي الحمد لله غزت شوارع
بلاد الفرنجة ..وعندك بعد ذبح ال٢١قبطي مصري بشطوط ليبيا دلوقتي اتطورنا والحمد لله
وبقى 70 مذبوحا بالكونغو لنفس التنظيم بنفس الفكر والتراث والجرعة..هم الارهابيين دول كان ناقصهم
جرعات دين زيادة .. طيب ..أشهر عملية نصب دلوقتي في عصر الصحوة المتألقة لشركة FBC
هم الحرامية اللطاف دول كانوا قصروا في حاجة.. حد منهم مثلا نسي يحني ولا يظبط دقنه
ولا نسي يبسمل قبل الوعظ بالتقوى في أكبر وأظرف عمليات نصب على ملايين من المغيبين والاتقياء برضه .. .
يا باشا دا أنت عندك أغلب المحروسة بسبب اللي اتغرس جواهم بقوا كائنات منتهية الصلاحية الآدمية
وحدث بلا حرج ..ولو اي قاتل أو مغتصب شاف بنته ولا اخته من غير طرحة بيشوهها حرفيا وبيقتلها
دول بقى مقصرين معاكوا في إيه دا غير تصريحات اغلب النخب والرموز المايلة اللي هي من قاع نفس
الشارع الموحول لأن الحشو الفاسد واحد.. هو إحنا يعني هانستورد مجتمع من برا ..ماهي دي بلوتنا
زود الجرعة بسرعة ياباشا بس أوعى تنسي تخلي تكفير وترويع وكراهية أي مختلف عنك عقائديا بأي مكان
هو فرض قسري وثوابه مضمون.. زود ياباشا علشان لو حد في العالم ماعرفش بفضيحتنا
يبقى لازم ياخد خبر وحذر ..أننا أمة بلا فهم لاتعرف يمينها من شمالها .
هايجي اليوم ويشهد التاريخ عن مأساة مروعة عاشتها الأرض بسببكم كل سنة وأنتم
حسبي الله ونعم الوكيل
