جريدة الأهرام الجديد الكندية 
مقالات مشابهة
بقلم شريف درويش
متابعة دكتور علاء ثابت مسلم
أحمد فاروق كان حنين كان خلوق
كنت تطلب منه حاجة
يخدمك وبكل ذوق
غير كمان طيبته العجيبه
جدع وشهم وكان كريم
الأدب مديله هيبه
شخص فعلا كان عظيم
لسانه عمره ماعاب فحد
ولا سيرة أى حد جاب
معنى للأخلاق بجد
والأدب من غير حساب
كان قدير مليان شطارة
يستحق وعن جدارة
كل كلمة ف حقه حلوة
عند كل الناس أمارة
وإن سألت الطلبة عنه
استفادوا إزاى بعلمه
قائد الجوالة قالوا
عمرنا ما قابلنا زيه
وأما جه المرض اللعين
كان تملى يقول يارب
اقبلنى ويا الصالحين
واحشرنى مع من أحب
كان يقولنا سامحوني
لوغلطت ف حد مره
نفسى يوم ماطلع بطولى
الذنوب متكونش مُره
عايز اخلص قبل ماطلع
علشان لربى اروح خفيف
روحى للى خالقها تطلع
بقلب صافى أببض نظيف
كان مسلم أمره صابر
كان يحب يجبر خواطر
كان عارف إن الوقت جاى
والموت نهاية كل حى
الجنازة كات مهيبة
والوداع مسك الختام
أد ايه سيرتك جميلة
مليون يا أحمد سلام
