جريدة الأهرام الجديد الكندية 
مقالات مشابهة
الحمد لله الذي لا يحمد على مكروه سواه ..مرت أحداث الكشح بسلام مثا كل مرة ..وبصرف النظر عن كل الأزمة والاحتواء لكن لاحظت من الفيدبوهات أن جمهور الكشح اللي طلع بيتسابق علشان يعروا واحدة ست
من قريتهم فيهم صبية وشباب ورجالة ..يعني فرضا لو أكبرهم اربعيني يعني من سنة ٢٠٠٠ كان لسه شاب
صغنن طالع للدنيا ..واصغرهم صبيان حوالي ١٥سنة يعني من ٢٤ سنة كان بحيلتها لسه ماجه الدنيا.. دا غير الشباب الورور اللي وقت أحداث الكشح في نفس التاريخ كان حضرته بكافولة
بالمختصر كدا من سنة ٢٠٠٠ لحد دلوقت ايه اللي وصل العيال دي لحالة الهيجان السلفي
علشان تموت فيهم الرجولة والنخوة
والكرامة ويتلذذوا بفرجة جسم واحدة ست بيعروها بإيدهم ..؟! . ايه الشرف في كدا ..!
إيه الرجولة والجدعنة والشهامة في كدا .. إيه التدين والتقوى في كدا ..؟!
هو انتو يامجاهدين الكشح مصدقين أنكوا رجالة بجد ؟!
يا ألف خسارة على الكرامة للأسف الأجيال دي اتسلمت تسليم أهالي للسرسجية السلفية ورموهم في حضن
التخلف والتعصب والغباء والكراهية وصنعوا منهم شوية متشوهين بلا شرف ماينفعوش لغير يعروا ستات
بلدهم وبس وادي النتيجة العار في الكشح وكل كشح .. تمام لمينا الليلة ..بس هاتتكرر ..لأن دي دي بقى اسمها
جريمة وخيانة ..وانا مش بدافع هنا عن الست اللي اتعرت.. لا.. لأن دي جريمة وخيانة في حق الوطن أنك تدمر
ناسه وفي حق أجيال تم سلخهم سلخ من إنسانيتهم ومن رجولتهم وشرفهم ..ايه اللي قدمتوه للكشح وكل كشح
من خدمات وثقافة وفنون وجمال وقيم اجتماعية وأخلاقية .. إيه اللي زرعتوه في الأجيال الجديدة علشان
يكونوا بني آدمين أسوياء تفتخر بيهم البلد ويرفعو ا راسها لفوق ..ايه اللي قدمتوه للأجيال دي علشان يبقوا
رجالة بجد.. يخافوا على نفسهم و على أي ست واللي يخاف على ستات بلده أكيد هايخاف على بلده
رحتوا رمتوهم في أحط مزبلة عرفتها الانسانية باسم الجهاد السلفي والنتيجة أهي رجالتنا المؤمنين
بقوا مضحكة يا ألف خسارة.. المهم اتلمت الأزمة وردمنا على النار والجمر لسه بيغلي وهايطفح تالث ..
فترة الترفيه بشركات كهرباء مصر
(صدق أو لا تصدق )
* عامل يجيب حالة ضبطية ب مليون جنيه ياخد حافز الف جنية يقبضهم ٧٠٠ج! ده لو شافهم أصلا، لأنها في الأساس بتوزع علي المرضي عنهم داخل مكتب رئيس الشركة ونوابه…
ده حال حوافز مايسمى بالضبطية القضائية اللى تحول أغلب العاملين بها الى سماسرة وتشكيلات عصابية وأخرها ماحدث بقطاع الدقى بتوزيع جنوب القاهرة فما بالك بشركات الاقاليم وما يحدث فيها
فأحد القيادات بكهرباء توزيع الدلتا خرج على المعاش منذ فترة ليست بعيده، ومستمر فى تحرير محاضر ضبطية بتاريخ سابق تحت سمع وبصر رئيس قطاعه التجارى ولا تستغرب اذا علمت ان الفقد قفز ل ٣٩٪ منذ انشاء الادارات العامة للضبطية بالشركة القابضة لكهرباء مصر
* محطة طاقة الرياح الجديده جبل الزيت بالكيلو 118بمنطقة جبل الزيت جنوب مدينة رأس غارب مساحة 100 كم مربع، المحطة من أكبر المحطات في العالم بها 290 توربينة، تكلفت ٤٧٨ مليون يورو
حيتم بيعها النهاردة فى ٢٠٢٤ ب ٣٠٠ مليون دولار
يعنى ٢٧٩ مليون يورو
يعنى بنصف تمنها تقريبا .. وطبعا منعرفش العقد شامل الأرض ولا لأ
* أكبر حملة اعلامية ف تاريخ كهرباء مصر ب200 مليون جنيه(( ربع مليار)) 😱، لمواجهة سرقات الكهرباء
الخبر اللى جاى بجد مش بتريق عليهم هما عبط كده لواحدهم كبروا بقا وخرفت معاهم. ..
تعليقى..👇
وزارة كبار السن والمسنين والنباهة اولى بكم التوقف عن هدر الملايين وبدلا من ربع مليار جنيه يتم اهداره لاعلانات تافهه وسخيفة واستفزازية، سداد ديونكم الداخلية لوزارة البترول
* بمناسبة المكينة والرقمنة بقطاع الكهرباء، ادخل اى فرع لأى شركة توزيع خصوصا فى الأقاليم حتلاقى الموظفين ناقص يقعدوا على حصير و الحمامات تتقرف منها المواشى و لو لاقيت كرسى تلاقيه مدغدغ ولو رحت فى الصيف تلاقى الموظفين قاعدين فى فرن ولا الزنزانة ومافيش دفع بالفيزا واللمبات محروقة ولا اللى قاعدين فى كهف ومافيش عمالة حتى تنضف وبقت مزبلة
كل رئيس شركة توزيع قاعد يحلب فى الشركة عشان يسدد حصته لرئيس الشركة القابضة لكهرباء مصر ، ويستمر في منصبة، لما بقت خرابة…
* موظف كان مدير فى دمياط الجديدة اكتشفو اختلاس تحت رئاسته 5 مليون جنيه واكتشوف حالات مشابهه فى فروع تانية بعده كل اللى اكتشف تجازوا تم فصلهم من العمل، الا هو نقلوه لمكان بعيد ومعزول وتحت رئاسة شقيقه مدير الموارد البشرية وكل يوم ييجى الصبح و يمشى على مكتب السمسرة اللى فاتحه عشان رئيس قطاعات الشئون الفنية اللى حاميه عنده عقارات فى دار مصر عاوز يبيعها له
وبعدين يقعد على القهوة شوية مع الزباين ويرجع يبصم انصراف برعاية أخوه، ورئيس الشركة آخر طناش…
* يحدث في احدي شركات توزيع الكهرباء، طبيعى تلاقى سرقة تنكشف ب 4 ملايين لموظف صغير اللى حايكون سرق أضعافهم وده العادى لما ترقى رئيس قطاعه لرئيس قطاعات بعد أسبوع من تسببه فى سرقة محولات بالملايين و مجازاته بالأونطه وده رابع رئيس قطاع لنفس المكان يسرق ملايين ويترقى!
و طبيعى سرقة بالحجم ده متورط فيها العديد من القيادات أكيد مافضلتش سنين تعمل كده ومعرفوش!
والأبجح ان دا حايبقا العادى والمتعارف عليه لما تدى موظف عهدة بملايين و تسرق منه علاواته فأكيد حايسرقك بدل مايرفع قضية
عادي يا استاذة ماجدة لان القضاه يستشعرون الحرج في قضية تعرية سيدة الكرم و المجرمون يطلعوا منها زي الشعرة من العجين … لا و الابجح ان المجرمون يطالبون المجني عليها بتعويض.. يبقي عادي ان تتم تعرية القبطيات بل و تبقي دي موضة كمان فمن امن العقاب اساء الادب. و عمار يا مصر…. و لكن سنري قريبا عجائب القدير.