جريدة الأهرام الجديد الكندية 
مقالات مشابهة
أرسلت لنا سيدة فاضلة عن أسباب كثرة الوفيات بين الحجاج هذا العام حيث أدت فريضة الحج ،وكانت شاهد عيان على الأحداث المؤسفة ،والظروف القاسية التي تعرض لها الحجاج هذا العام ،وكان هذا هو نص رسالتها
السلام عليكم أنا اقول لحضراتكم العدد ده مات ليه
أولا كل الناس اللي راحه الزيارات أو تأشيرة هؤلاء حرفيا اتطبخوا في الشمس روحنا عرفه من أتنين صباحا
حتي سبعة صباحا حتى وصلنا شوف كام ساعة ولما وصلنا عرفه تكدس لا يتخيله عقل ولا بشر مفيش مكان
تضع رجلك فيه مفيش اي مكان فيه مظلات ابدا كل عرفه منك للشمس حتي الشمسيات مش بتشيل ذرة حر الأرضية
اللي جالسين عليها وصلت لدرجة الغليان من أشعة الشمس اللي حرارتها كانت 65 درجه مفيش مكان فيه
نقطة ماء حد يشربها فيه علي طريق عرفه لكن علشان تخرج من وسط هذا الجمع تموت فيها
مفيش اي اسعافات نهائي لاي احد مغمي عليه والله العظيم والله العظيم ناس امامي كانت بتموت
واروح أقول للشرطي لو سمحت اتصل بالاسعاف حد بيموت يقولي مليش دعوه ياحاجة روحي الله يسهل عليكي
اقسم بالله ست ماتت عشرة الصبح ماحد شالها من مكانها الا ونحن نغادر عرفه ليه مفيش ألف عربة إسعاف
في عرفه منتشره لإنقاذ الناس ليه مفيش مظلات تحمي من حرارة الشمس القاتلة ؟ ليه أماكن مهيئه للناس
تقعد فيها اقسم بالله كان الموت يحيط بينا من كل اتجاه دي عرفه وحضرتك تعلم أن أطول ممشي
وممر في العالم من عرفه حتي مني
خرجنا من عرفه منهارين نفسيا وجسديا واعياء لاقصي درجه مطلوب من هذا الشخص اللي حرفيا
أصبح مهلهل أنه يمشي من عرفه للمزدلفة شوف أنت كام كيلو وصلنا المزدلفة بعد كام ساعه بتنا فيها
وصباحا مشينا من مزدلفة لمني 4 كيلو ومن مني للجمرات 4 كيلو مين يتحمل هذا الشقاء والله امامي شباب
حدث له حمي وفقد للوعي من شدة ما وجده من حرارة وعدم وجود اسعافات أو حتي ماء بارد يشربه
ما رأيته لا يسمي الا ( مذبحة ) والكارثة في مني المريض الإسعاف يسأله معاك تصريح حج لو مش معه
يقول ليه آسفين ملناش علاقة نحن هنا لخدمة الحجاج الرسميين فقط والله ما رأيته يحتاج لعشر ساعات
كتابة لكى أصف لك اني وجدت أمامي شرطة اثق أن هؤلاء من أحفاد ابو جهل وأبو لهب لا رحمه لا إنسانية لا أخلاق
أنا شخصيا رأيت ممرات كامله لنقل الجثث ومجرد ما قام شاب بالتصوير اخدوا منه التليفون وحذفوا الصور فقط
يقومون بتمهيد الطرق للفنانات ومن ينشرون الرذيلة في المجتمع أما اماكن يتجمع فيها آلاف بل ملايين
فلهم الله نسيت أقولك الناس كانت بتترمي في الطريق مش قادره مثلا من مزدلفه لمني الشرطي
يأمر الذي يجلس علي جانبي الطريق يستريح بالمغادره بحجة ممنوع ممنوع طيب ست عجوزة أو مريضه
مش قادرة محتاجة ترتاح فورا ممنوع ياحاجة ممنوع ياحاجة
وطبعا المريضة دى والمستنزفة ستقوم تمشي وهي لا تستطيع فورا تموت
مأساة بكل ما تحمله الكلمة من معنى
