جريدة الأهرام الجديد الكندية 
مقالات مشابهة
اللى عنده أطفال مننا بالذات فى سن صغير ما بين سنه الى 4 سنين بيشتكى من نوبات الغضب عند الأطفال (Temper Tantrums) و دى بتبقي نوبات مفاجئة بتصرفات حادة بدون سبق إنذار او تخطيط حاله كدا بتيجى لتنم عن شعوره بالغضب أو الإحباط تجاه حاجة معينة .
بتيجى بأشكال مختلفة زى انه يرمى اشياء او العاب على الارض ، او صراخ حاد ، او الاتنين مع بعض … و دا
يعتبر اسلوب بيستخدمه الاطفال علشان يعبره عن مشاعرهم الحادة خصوصا لو مش قادرين يعبروا عن احتياجاتهم بطريقة طبيعة و مقبولة وسط الناس و العيلة او فى الحضانه.
المشكلة ان السن ما بين 1-4 سنوات يشكل جزءًا طبيعيًّا من تطور الطفل وبدئه بتكوين شخصيته المستقلة.
والمفروض انها بتقل مع مرور الوقت لحد ما يعرف ازاى يعبر عن احتياجاته او غضبة او اعتراضة بطريقة هادية النوبة دى تستغرق مدة بين 2-15 دقيقة، و إذا تجاوزت نوبة الغضب اكتر من كدا ، بيكون مؤشراً على وجود مشكلة صحية تستدعي استشارة طبيب مختص.
تعال اقولك اسباب النوبات دى عند الاطفال اية ؟ ممكن يكون حاسيس بأحباط بسبب عجزة عن التعبير بالشعور
اللى حاسه او بالحاجة اللى عايزاه خصوصا إن قدرة الطفل على التعبير عن طريق الكلام بتكون محدودة في سنوات عمره الأولى. وجود الطفل في وضع يخليه يحس بأنه فقد زمام السيطرة.
او كأباء حاطين علية قيود كتير على تصرفاته او العكس ،،، لية الحرية الكاملة يعنى مافيش وسط . الطفل بيحتاج يعبر عن رأية و استقلاليته و كلمة (لا) بالذات اول واكتر كلمة بيقولها …الانها اول كلمة سمعوها يا عزيزى منك
وفى طفل يستخدم النوبة دى علشان يلفت النظر ، علشان القيود و التعليمات اللى اتفرضت عليه فا بتعتبر حيله دفاعية ليه علشان ترجع فى كلامك و تنفذله اللى هو عايزة لو فى تجمع او فى حضانة مثلا و جه طفل تانى اخذ لعبة منه هو بيحبها و بيلعب بيها … بيستخدم النوبة دى فى التعبير عن غضبه من اللى حصل .. خلى بالك برضة احيانا
وجود الطفل في مرحلة انتقالية من اليوم، زى مثلا الفترة التي يتم فيها اخذ طفلك للمنزل بعد انتهاء يوم كان موجود فيه فى الحضانة.
او العكس مش عايز يروح المكان دا .. حد بيزعله او بيشخط فيه ، بيتم معاقبته من حد بالغ او تعنيفه بشكل ما ، او بيتاخد حقة او لعبته من طفل تانى مسيطر شوية عزيزى خد بالك انك اوقات بتفرض رايك او بتطلب طلبات من
طفلك بيعجز انه يفهمها او ينفزها وممكن يكون بيشعور بالملل ، التعب ،الجوع ، فرط النشاط ، القلق ، الانزعاج ، التوتر او قله نوم انه مش واخد كفايته فى عدد ساعات كافية فى النوم الهادئ عندى ليك شوية اعراض بتظهر على طفلك عند اصابته بحالة الغضب دى زى مثلا البكاء المستمر ، تشنج الجسم ، الركل برجليه .
يحبس نفسه ، الشكوى الكتير ، الضرب لشخص ما او قرصه ، مع شوية صريخ وتكسير اى حاجة قدامه زى ما قولنا فى بداية كلامنا … لكن فى اعراض تسدعى لاستشارة متخصص سلوك او تربيه او طبيب نفسي مختص .
لو لاقيت نوبات الغضب دى بتكرر اكتر من مرتين يوميا .
إذا كانت نوبات الغضب غالبًا ما يتبعها سلوكيات غير صحية، مثل: اضطرابات النوم، سلوك عدواني، رفض الاكل ، مع سلوكيات عدائية قد تؤذي الطفل أو الأشخاص الموجودين معاه .
طيب اتصرف ازاى كأب او كأم لما الحالة دى تيجى ؟ تعال اقولكم ازاى نحاول نتصرف فى النوبة دى … بمجرد حدوثها .
حاول الحفاظ على هدوئك بقدر الإمكان أثناء نوبة غضب الطفل، حتى لو كنت مستعجل ووراك ميعاد او نازل شغلك الصبح لأن أي رد فعل عصبي منك هايزيد الوضع سوءًا.
احضن طفلك وقت نوبة الغضب دى فهمه انك حاسس بيه وطبيعى اننا ندخل فى نوبات الغضب او الضيق ، طبطب علية ، خلى عينك فى عينه ، خلى وشك مبتسم ( معلش عارفة انك على اخرك بس هانعمل اية ) احتياج ابنك
او بنتك للحضن و الاطمئنان و الحنان بخليه يهدى نوعًا معاه .
حاول التصرف بحكمة لو سبب نوبة الغضب هو عدم حصول الطفل على حاجة معينه طبعا يفضل انك تستمر
على موقفك برفض الاستجابه ليه ( العيال ذكية يا عزيزى ) ، أما إذا كان سبب نوبة الغضب عدم رغبة الطفل في الخروج من حوض الاستحمام بنفضل هنا انك تفرغ الحوض من الماية بدلًا من محاولة إخراجه بالقوة ، مانعا لدخول فى حوادث واصابات … العيال عايزة صحة يا عزيزى . حاول تتجاهل الطفل وانتظره لحد ما يخلص
وينتهي من نوبة غضبه، فطالما أن النوبة قد بدأت بالفعل هايكون صعب محاولة إيقافها. ممكن تتصرف بتلبية رغباته أحيانًا وممكن لا فى وقت تانى ، شعور الطفل بأنك رافض طول الوقت بيدخلنا فى قصص تانية قدام
لما يكبر شوية … ممكن يرفض يحكيلك حاجة حصلت او موقف مرت بيه …عارفه انك هاتقول لا ، لان دا رد فعلك معظم الوقت .
عزيزى ارجوك مهما حصل إياك بضرب الطفل أو تعنيفه جسديًّا او لفظياً ، عارفة ان اوقات اعصابنا بتفلت لكن هنا لازم نتربى معاهم ونتعلم نتحكم فى ردود افعالنا . افتكر انه إنسان زيك عندهدخول
شعور و غضب مش بيعرف يتحكم فى تصرفاتة و لا ردود افعاله كشخص بالغ مثلك و اوعى تلومه على التعبير بالطريقة دى عن غضبة لكن نحاول نغير و نصحح ردود الافعال بالتدريب .. اشتركله فى رياضة بيحبها يفرغ طاقتة فيها … السباحة ، ركوب الدرجات ، كرة القدم او السله ، جمباز ….اى رياضة فيها مجهود بدنى و منافسة مع الاخرين فى نفس الوقت . خلية يرسم و يلون و يعمل اعمال فنية بأيده …. علاقها فى اوضته و وريها للاقارب
والاصحاب و شاركة اى رسما بيعملها حتى لو من وجه نظرك شخابيط … لو طفلك فى مرحلة الكلام …. اتكلم معاه كتير فاهمة ان الانفعال و الغضب مش هايخلينا نسمع و نفهم بعض … لكن لو عبر عن غضبة او اعتراضه بالكلام اننا نوصل لحل وسط يرضينا كلنا . ساعدة فى اختيار كذا حل للمشكلة بس خلي بالك اوعى توعده بوعد
وماتعملوش …مش هايصدق و هايفقد ثقته فيك … اوعد بحكمة ،،، يوجد برامج و العاب تعلمية بيستخدمها المتخصيصين ممكن انت كمان تسخدمها فى البيت ، زى لوحة الاعمال الابداعية …على كل فعل حلو بنحط نجمة
او علامه و فى اخر الاسبوع بيكون فى مكافاه ، او العاب منتسورى التعليمة ….قد ايه مُبدعة و بتنمى شخصية
و ذهن الطفل ، إقرأ عن منهج كورت للتفكير او منهج سكامبر … كلها برامج بنستخدمها كأخصائين سوف نتاولها فى مقالاتنا القادمة ..تابعنا .
مريم توفيق
ماجستير فى الصحة النفسية و الأسرية والتربوية
دبلومة العلاج المعرفى السلوكى
مدرب معتمد للأطفال والمراهقين
