جريدة الأهرام الجديد الكندية 
مقالات مشابهة
معظمنا يعيش صراع داخلى مزمناً بيعكس نظريته للحياه و تعريفة لمعنى النجاح و السعادة وعلاقته بالمجمتع اللى بيعيش فيه ، لكن المهم بنعيشها ازاى !!؟
معظمها للآسف فى صراعات شخصية بترجع فى الاصل الى صراع مع الذات ، وهنا بنعرف أهمية التصالح مع المجتمع مع نفسك كوسيلة للحياة بطريقة أفضل وأنك تبدأ اولا التصالح مع نفسك هى التواصل مع الماضى
لأن السخط وعدم الرضا عن نفسك أو كرهك لنفسك سواء من معاملة سيئة فى طفولتك ، تعرضك للتنمر
المقارنه بينك و بين أخواتك أو قرايبك أو العنف الجسدى والنفسي من الصغر أو حتى فى الماضى القريب
بتلوم أهلك والظروف اللى سمحت لك بأحساس بالتذمر أو أنك تلوم نفسك أو تكرهها
اول حاجة غير نظريتك للماضى ، أعزر و سامح .. اشتغل على نقط الضعف
واتغلب علي الظروف اللى إتجبرت إنك تتحط فيها إى إنك تشتغل على نفسك بطريقة صح .
تانى خطوة حدد حدود واضحة لنفسك ازاى عايز الناس تتعامل معاك فى الوقت الحالى لأن الماضى كان غير تحت السيطرة لكن الحاضر ليك دلوقتى .
مظهرك الخارجى ممكن يتسبب فى صراعك الداخلى علشان كدا مهم تحدد ايه اللى ممكن تعمله لتحسين مظهرك بأنك يا عزيزى ترضى بالسمات اللى مش قادر تتحكم بها ولكن تحبها كمان خليك من أنك قادر على الاخلاص
و لكن مش هاتقدر تخلى اللى حواليك كلهم مخلصين …لكن أبدأ بنفسك .
ثالث خطوة أنك تسامح نفسك ، كلنا يا عزيزى بنغلط فى حياتنا ، كفاية جلد ذات والمبالغة والقسوة اللى بتخليك
تبوظ مش تصلح ،، سامح على اللى فات وأهتم باللى جاى ما تحملش نفسك مسئولية أمور أنت مارتكبتهاش
وماتحاسبش على مشاريب غيرك اللى فاتت .
أبدأ صفحة جديدة مع نفسك ونقطة ومن أول السطر
رابعا سامح الآخرين مش هاينفع تسامح نفسك و انت بتكره و تحقد و تحسد و تسامح مع الآخرين
وتتعايش معهم ، التصالح مع النفس من اهم الخطوات فى الاندماج الاجتماعى كذلك التسامح مع الآخرين وتقبّلهم خطوة مهمة للتصالح مع ذاتك .
أنت عارف كمان أن جسدك يا عزيزى محتاج تتصالح معه …من أبرز مشاكل كره الذات أنك مش راضى على شكلك الخارجى و ممكن يوصلك لمرض نفسى ” اضطراب تشوه الجسد “بأنك ممكن تخلق عيوب وهمية بتخليك
فى صراع دائم ، اتحكم و سيطر على تقدر عليه ،، يعنى لو بتعانى من السمنه اتخلص من الوزن الزايد ، لكن لو جيت قولتلى لون بشرتى مش عجابنى أو طولى مش مناسب سواء قصير أو طويل ..
عزيزى دى حاجة مش بأرادتك و لا ارادتى وإنما هي سمات أوجدتها إرادة تفوق كل إرادة.
خامسا أتوقف عن التذمر ، التذمر واحدة من أسوأ الممارسات التي تعزز كرهك لنفسك لان كل ما بقى التذمر
عادة هايبقى جزء من طريقتك فى التعامل فى الحياه و الناس ، هاتلاقى الاشياء الجميله اللى حواليك
اتحول لحاجة وحشة مالهاش لون ولا طعم ،، حوّل نظرك إلى الأمور الإيجابية في حياتك اللى هى كثيرة قدامك .
مريم توفيق ماجستير فى الصحة النفسية و الأسرية و التربوية
دبلومة العلاج المعرفى السلوكى
مدرب معتمد للأطفال والمراهقين
