قريت جمله عجبتني اوى اسمها “أفهمنى قبل ما تحبني ” فعلا محتاج اللي معايا يفهمنى، يسمعنى .
يستحمل سكاتى .
مش محتاج أدى مبررات لتصرفاتى او معنى كلامي .
خصوصا لو حد ميعرفش يفضفض بوجعه أو مشاعره .. يقول عكس اللي جواه علشان يريح دماغوا من أسئلة مرهقة أو يلجأ لحيل دفاعية مندفعة لتبرير موقفه أو يُفضل السكوت فيصبح صديق نفسه المُنعزل
احيانا بيواسي غيره بكلام محتاج يسمعه و يِطبطب علي قلبه بيه ، بنحتاج في العلاقات السليمة الغير مأذية
أننا نحس بإطمئنان ، بتشجيع ، بمحبة وخوف علي مشاعر بعض .
أنك تتعب في أنك تفهم الشخص اللي معاك أكثر من مرة، يوصله أنك متمسك بيه .
مش من اول مطب يقع فيه تحاسبه أو تلومه .
أدى بدل الفرصة عشرة ، دا مش ضعف منك ولا احتياج ليه علي قد ما هو تقدير لظروفه ومشاعره
أفهم نمط شخصيته ، اديله مساحته ووقته في التفكير ، أفهم طرق التعبير عن الحب اللي بيحتاجها سواء الكلام الحلو ، اللمس ، الهدايا،الفسح أو حتى أكله بيحبها ….ألخ،
وارد إننا نختلف فى طرق التعبير عن مشاعرنا و تقديرنا للأمور ، إتعلم تبقي مرن في التعامل والفهم
مش كلها قفش ..بس من غير ماتجلد ذاتك ولا تِفرط في مشاعرك وعطائك ، أتعلم أمتي تقول لا وأمتي تدى
وتأخد ، لما هتوصل للنقطة دى هاتحب من قلبك وأنت مرتاح مش وأنت في قلق من الفقدان والخسارة و تعزب شوية المشاعر اللي حيلتك .
مريم توفيق
ماجستير في الارشاد الاسرى والنفسي و التربوى
دبلومة العلاج المعرفي السلوكي
مدرب معتمد للأطفال والمراهقين
مريم توفيق عسل قليل الدسم