جريدة الأهرام الجديد الكندية 
مقالات مشابهة
١- ناوي ما تصرفش على البيت كله فبلاش تتجوز مش أنت النص وهي النص، مش بيت طلبة هو
٢- لو فاكر أن من حقك تضرب مراتك فبلاش تتجوز غير لم تعرف كيف تتعامل معها فهي مش حيوانه بتضرب
٣- لو مش ناوي تسمع حكايات مراتك فبلاش تتجوز لأن من حقها أنها تلاقي حد تفضض معه، وصدقني تفضفض معاك أحسن ما تفضفض مع أمها او صاحبتها، او اي حد تاني
٤- لو مش ناوي تستحمل شوية نكد وزن فبلاش تتجوز علشان الستات بتحب الرغي والزن
لأنها بتشوف الحاجات بتفاصيل اكتر بكتير منك
٥- لو فاكر أن البنات طول الوقت حلوة فبلاش تتجوز لأنه لا حيجي وقت تتخن، توحش، ويطلع لها شنب
ودورك انك تحتويها وتفهمها انك بتحبها
٦- لو فاكر أن العيال مسئولية أمهم؛ العيال مسئولية الأب والأم (الاثنين) مش أمهم بس فبلاش تتجوز
٧- لو مش ناوي تطلع كيس الزبالة وتغسل المواعين معها فبلاش تتجوز
٨- لو فاكر ان الزوجة خادمة وتصرف على البيت وتأخذ بالها منك فبلاش تتجوز
لأنه دي بقى أسمها نطاعة والفاظ تانية مش حقدر اقولها
٩- لو حتسمع كلام أمك أو مراتك أو أخواتك وتمشي ورا اي حد فيهم فبلاش تتجوز دورك أنك تسمع للكل
وتراضي الكل من غير ما تيجي على حد فيهم
١٠- لو ناوي لو لا قدر الله لو اتطلقتم تطردها من الشقة أنك تكتب الشقة باسم أبوك أو أخوك أو حركات التحايل على ربنا فبلاش تتجوز
١١- لو مش ناوي ترحمها وتعدي غلطاتها زي ما عايزها ترحمها وتعدي غلطاتك
وتقول كلام محن وحب (حتى لو مش حاسه) فبلاش تتجوز
١٢- لو مش ناوي “تمثل” الاحتواء، اه تمثيل الاحتواء أهم حاجة، لأنها محتاجة تحس بأهميتها عندك
لو مش هتعرف تعمل كده فبلاش تتجو
١٣- تبذل مجهود في كل علاقة علشان تتاكد أنكم الاتنين مبسوطين لو مش هتعرف تعمل كده فبلاش تتجوز
١٤ – لو مش مستعد تقول آسف، حتى لو مش غلطان بلاش تتجوز
١٥- لو مش مستعد تتعلم تكون زوج وأب (مش معنى انك اتجوزت انك بقيت زوج صالح، ولا معنى أنك خلفت أنك بقيت أب صالح ) لو مش هتعرف تعمل كده فبلاش تتجو
١٦- لو مش حتخلي أصحابك مش هم الأولوية، وبيتك هو الأولوية لو مش هتعرف تعمل كده فبلاش تتجوز
١٧- لو حتطبق الشرع في حقوقك ومش في واجباتك فبلاش تتجوز
١٨- لو مش مستعد تحسن من نفسك علشان تعجب مراتك زي ما عايزها تعمل أعمل فبلاش تتجوز
هي مش مراتك، أنتم الاثنين حتكونوا كيان واحد أسمة “زوجين”
