جريدة الأهرام الجديد الكندية 
مقالات مشابهة
فاضل يومين وتروح السنة
أيام بتســــرق أيـــــــام وليالي بتـــهرب منينا
وسنين بتجري ورا سنين
وإحنا تايهين مش عارفين
قاعدين مش دريانين
عايشين ومش عايشين
صاحين لكن غفلانين
ليل حزين ونهار مليان أنين
والليل مش عايز ينتهي والنهار فيه تايهين
وتسرقنا الأيام والليالي ومن أنين لأنين
حاطين ايدينا علي خدودنا مستنين أحلامنا وأمانينا تحت رجلينا
ولسه برضه قاعدين الساعات بتجري رهوان
والأيام بتسرق معاها السنين
وبتسرق معاها كل الحلوين
واحنا مستنين ربما نكون.. أو هناك مع الغاليين
يا تري حيبقي لها طعم السنين ولا حنفضل كده قاعدين …..لكن غايبين
بقلم : نشأت عـدلي
