جريدة الأهرام الجديد الكندية 
مقالات مشابهة
رامي كامل
السؤال اللى دائما بيسأله لنا الآخرين ، لماذا تضعوا صليب ؟ يعنى لو المسيح كان مات على خازوق كنتوا هتعلقوا خازوق ؟ طب لو مات بالسيف كنتم ستعلقونسيف ؟ السؤال ده عمره ألفين سنة واترد عليه آلاف المرات فى الكتاب المقدس الصليب علامة الانتصار مش علامة الهزيمة بس الأول نفهم ليه الصليب لما سقط ادم تحت المادة الأرض بسبب ادم اتلعنت أكثر من مرة ” ملعونة الأرض بسببك” “ملعونة الأرض التى فتحت فاها لتقبل دم أخيك من يدك”
وكان رمز اللعنة فى العصور القديمة هو المعلق على الخشبة لأن التعليق على الخشبة كان بيرمز لرفض الأرض “مش طايل أرض” ولرفض السماء “ولا طايل سما” هو إنسان بلا رجاء بلا أمل بلا خلاص.
المسيح فلسفته أنه صار “لعنة” لأجلنا ولأن اللعنة المعلقة دى شئ مادى فهو غير مؤثر فى الروحى و اللاهوتى
وتحول الى مجرد أداة للخلاص فنقدر نقول ببساطة أن المسيح حول رمز اللعنة لرمز خلاص.
السيف رمز الموت بس لما تنتصر به هو رمز انتصار لكن السيف و باقى أدوات القتل مش رموز لعنة ولا رموز احتقار و تحقير و بالتالى ملهاش دور يذكر فى مشهد الخلاص.
ولو على السيف فالمسيح ساب التلاميذ يعتمدوا على سيوفهم ولكن وقت الشدة هربوا حتى اللى قاوم فيهم فشل فمكنش السيف والقتل حاضرين فى المشهد رغم توفرهم.
المسيح احصى مع اثمة و المسحاء الكاذبين الذين جاءوا قبله مثل يهوذا المكابى و ثيؤداس و غيرهم تم التنكيل بهم بطرق كثيرة بس مش الصلب لأن خطة الخلاص كان تغيير اللعنة لنعمة و خلاص.
ممكن تفتخر بالسيف والرمح و المسدس لكن دول رموز حرب وانتصار فى نفسهم متقدرش تغير خصائصهم من شئ لشئ لكن الصليب تغير من نقيض لنقيض.
