جريدة الأهرام الجديد الكندية 
مقالات مشابهة
حسام سليم
قبل اى حاجه حسام حسن جمهور الاهلى أستفزه رفعلهم تيشيرت ابيض (بعض) من جمهور الزمالك أستفزه رفعلهم تيشيرت أحمر حسام حسن أنتمائه لنفسه فقط بدافع عن حسام حسن عشان أنتقل للزمالك وهو عنده 35 سنة وكان أكتر واحد بيجرى فى الملعب كان اكتر واحد مخلص فى الفريق
بعد انتقاله التاريخى من الأهلى الى الزمالك نادى الزمالك عاش أفضل 4 سنوات فى تاريخه 2000-2004
الاهلى للمرة الاولى فى التاريخ يفشل فى الفوز بالدورى 4 مواسم على التوالى طوال فترة تواجد حسام حسن مع الزمالك حسام حسن كان القطعة اللى كانت ناقصه الجيل ده من لاعبى الزمالك وأكتملت بوجوده
كان هداف الدورى وافريقيا وأفضل لأعب فى الزمالك واكتر من 50 هدف مع الزمالك وهو داخل الاربعينات من عمره أصرار واخلاص وعزيمة لن تتكرر أنهار الفريق برحيله بنهاية 2004 ومع ذلك كان مع المصرى لما يحرز اهداف فى الزمالك كان جمهور الزمالك يسقفله ويشجعه احتراما للفترة الاسطورية اللى قضاها مع الزمالك احتراما لكل نقطة عرق واخلاص شوفناها منه مع الزمالك
مرت السنين والزمالك عاش من بعد رحيله اسوء السنوات والذكريات فريق كان منهار والوضع من اسوء الى اسوء حتى وصل الحال ان الزمالك يكون فى المركز 13 فى الدورى فى عز ما كان الفريق محطم ومدمر وبدون هوية وبدون شكل وبدون كل حاجه جاء حسام حسن أنتشل الزمالك من مركزه 13 للمنافسة على الدورى امام الجيل الذهبى للاهلى اللى كان قوامه منتخب مصر حسام حسن رفقة شيكابالا بدون سكواد وبدون لاعيبة وبدون اموال وحملات ناديك يناديك عمل اللى ما يتعملش الزمالك كان وهو مجرد من كل عوامل نجاح اى فريق كان الاهلى بجيله الذهبى بيخرج فرحان انه اتعادل معانا والكل فاكر ماتش 3-3 و 2-2
حسام حسن خد فريق اقصى طموحه مركز مناسب فى الدورى للمنافسة على اللقب حتى الامتار الاخيرة وجاء التحكيم فى مباراة المقاصة الشهيرة وقضى على الزمالك وحلم الدورى حسام حسن خد الولا حاجه خد شبه الفريق عمل منه حاجه وعمل منه فريق خلا اللاعيبة تصدق نفسها انها تقدر تنافس على الدورى انها تقدر تكون ند للاهلى انها تقدر تعمل اى حاجهانا بدافع عن حسام حسن وهفضل ممتن ليه كلاعب أسطورى وراجل مخلص لاعب ومدرب اللى عاش الفترة دى كويس 2009-2011 هيبقى أكتر حد فاهم وعارف ان الفترة دى فترة حسام حسن هو الانسب والافضل لانتشال الفريق
