جريدة الأهرام الجديد الكندية 
مقالات مشابهة
يخرج علينا كل يومين ارزقى من اليوتيوبرز الفظاع و يقولك المخطوطة السينائية اقدم مخطوطة للانجيل وفيها أن الموضوع الفلانى مكتوب بالطريقة كذا والموضوع العلانى مكتوب بالطريقة كذا وهو ده الانجيل السليم.
طبعا محتاج اشرحلك أن الموضوع ده فيه شقين الأول عقيدى فلو حضرتك مؤمن أن دى مخطوطة أصلية معتمدة
وأنها أقدم مخطوطة للانجيل فأنت محتاج تقول للناس فين الآيات فى المخطوط الأصلى السليم “بحسب قولك” اللى بتشير لنبى يأتى بعد المسيح وأن المسيح بشر به و دى مخطوطة من القرن التالت والرابع
فحضرتك دى قبل اى عملية تحريف من اللى بتشيروا لها ، فلو حضرتك معترف بها أتفضل طلع الآيات لو مش معترف بها فنقولك أجمل تحياتى .
الثانى علمى فالمخطوطة السينائية من المخطوطات اللى كان فيها أخطاء النساخ ودى كانت مخطوطات مصيرها الدفن أو الحرق والسينائية كانت مدفونة و لما اكتشفوها قرروا يحرقوها للتدفئة “حضرتك متخيل أنك جايب ورق بطاطا بتعتمده كمصدر للانجيل” ورغم كده هكمل معاك السينائية كانت مخطوطة فيها أخطاء نسخ و كتبها بين
٣ ل ٤ أشخاص مختلفين وفيها ١٤ ألف خطاء ٩٩٪ منهم أخطاء فى حروف.
المخطوطة السينائية مش مصدر لاهوتى معتبر فى كل جامعات العالم وأن كان بينظر لها كدلالة تاريخية على طريقة الكتابة لكن لاهوتيا هى مجرد مخطوط فيه أخطاء من النساخ و غير معتمد عندهم.
حضرتك محتاج تعرف أن الاستشهاد بالمخطوطات اللى فيها أخطاء أمر ممكن يخلى الناس تسألك عن طرس صنعاء وده مفيهوش أخطاء ده فيه كوارث و نخليها لوقتها.
