جريدة الأهرام الجديد الكندية 
مقالات مشابهة
لازم تعرف أن الزمالك ليس كأى نادي أخر اندثر وانتهى.. الزمالك مسنود بقاعده جماهيرية مرعبه شاء من شاء وابي من ابي.. الزمالك ليس الترسانة ولا الأولمبي ولا حتى نادي بتشجعه مدينة ومحافظة
الزمالكاوية في منهم اللي كان ملك واللي كان رئيس جمهورية واللي، كان منهم مشير بيحكم ويتحكم… اها الزملكاويه في المجمل ناس مبتستغلش مناصبها في خدمة الزمالك ولا بتفصل قوانين تخدمة
ولا بتكتب تقارير أمنية علشان تأكد للي فوق أن مصلحة مصر تقتضي أن الأهلي يكسب بالأمر المباشر زي ما بيحصل من أيام عصر السادات اللي كان مفيش حاجه بتنيمة زعلان الا هزيمة الاهلي وتعادله زي ما صرحت جيهان السادات صوت وصورة
المسؤول الزملكاوي ممكن يظهرلك في اي وقت ممكن يكون كيوت خاضع او يكون عاشق بس موش بيتدخل الا لما النادي يتعرض للغبن البين زي ما كان بيعمل المشير طنطاوي لحد ما مات او زي ما عمل الفريق كامل الوزير دلوقتي.. او ممكن يطلع عبد الحكيم عامر تأتي زملكاوي متعصب قوي
لكنه كان مثال للعدل بين كل الانديه والدليل ان فتره المشير عامر اللي كان اهم راجل في مصر من 1953 الي 1967 يعني 14 سنه الزمالك اخد الدوري 3 مرات بس والاهلي اخد الدوري 8 مرات.. والأوليمبي والترسانه والاسماعيلي
اخدو الدوري على حساب الزمالك نفسه اللي كان ممكن المشير اللي ماكنش فيه حد أقوى منه غير ربنا سبحانه وتعالى يخللي الزمالك هو بطل الدوري 14 مره اللي هي طوال فترة وجوده كقائد عام للجيش
والرجل الثاني بعد عبد الناصر او الأول فعليا حسب ما نعرف جميعا كما فعل السادات مع الاهلي ومن بعده
الزمالك لازم هتلاقي حد يقف معاه وجنبه ويمكن وسط عملية الإنقاذ دي تظهر دولة جديده تعيد ترتيب الرياضه بعدل وحكمة فيعود معها الزمالك كما تعودنا بطلا ومنافسا دائما في وجودها
