جريدة الأهرام الجديد الكندية 
مقالات مشابهة
رامي كامل
١- اللى قدامك دايما عاوز يلزمك بمنطقه هو وفهمه هو لدينك من منطلقات دينه ، يعنى مثلا اثبتلى التوحيد عندك مطابق للتوحيد بالظبط ، و اثبتلك ليه حضرتك ، احنا كاقباط لا نؤمن بالتوحيد اللى عندك و بنفهم الله فى اطار اعمق من وجهة نظرنا هيقولك الخمر حرام و انتوا بتشربوا الخمر ، حضرتك حرام عندك انا معنديش الحرام ده أنا عندى كل الاكل و الشرب حلال “الا ما قدم للأوثان”
وكل تطرف يسبب سكر أو يسبب مرض هو ده اللى حرام يعنى أنا عندى السكر زى المرض هو اذى للبدن وهنا نقطة التحريم أو بمعنى ادق التحذير انما غير كده تحريم الخمر يلزمك
٢- سيحاول طول الوقت انه يكيل بمكياليين بمعنى أنك لو سألته فى اختلاف الفرق عنده هتلاقيه بيرد أن دول ناس انحرفوا عن الحق و أن وأن وأن وهو طبعا من حقه يبرر بس لما أنت تقول نفس التبريرات عندك فده امر بالنسبة له مرفوض تماما ودليل ضعف عندك وكارثة و إذا يحصل لما تيجى تناقشه فى نص هيقولك ده تأويله كذا
وطبعا حقه انه يشوف التأويل لكن لما أنت تيجى تقوله النص ده اشارة لكذا يصرخ و يرفس فى الأرض ويقولك أنا عاوز نص صريح واضح لا لبس فيه طب يا عم ما انت عندك “اجتهاد وقياس و اجماع و تأويل”
يقولك ماليش دعوة .
٣- سيحاول طول الوقت يخرج من فكرة تفسير الكتاب بالكتاب يعنى سيمسك فى نص و يقولك هو ده و تفسره لوحده و تفسرهولى على مزاجى بس انت لما تسأله هيقولك يفسر الكتاب بالكتاب ، طب مش كده تناقض فى معاييرك ؟
هو شايف لا و شايف ان ربنا خلقه يعمل اللى هو عاوزه و دلوعة الكوكب و حقه يسأل و مش من حق حد يسأله.
٤- والنقطة دى بره فكرة المناظرات دى ليا و ليك ، هو ليه طول الوقت التركيز على ان المسيح متصلبش ؟ والفداء محصلش ؟ و مفيش خلاص ؟ ليه فى اصرار على انك تفقد خلاصك ؟ ليه النقطة دى تحديدا ؟ مين اللى اتهزم على الصليب فعاوز ينكر الصلب والفداء و الخلاص ؟
يبدأ معاك ان ده مش ابن الله ، ده مش اله ده بشر جه و مات ، ينكر ان هو اللى اتصلب ، ينكر قصة الفداء
والخلاص و يصر أنه مجرد بشر و نبى ليه الاصرار ده و معناه ايه ؟فكر هتعرف المصدر ، فكر هتتاكد من المصدر
