جريدة الأهرام الجديد الكندية 
مقالات مشابهة
وجهة نظر
مدرب كويس و غلط و هيغلط حاله حال أي مدرب في العالم بس هو مش مدرب سيء انا مش قادر افهم الناس نازلة سلحْ فيه بناءً على ايه بصراحة لا 11 لاعيب عليهم القيمة ولا دكة تصلح لفريق درجة رابعة
والفريق استهلك بدنياً قصاد مستويات تنافسية و قوة جسمانية أعلى بمراحل منك على المستوى التنظيمي الزمالك عمل بطولة ممتازة ، يكفي اني أقولك الزمالك قابل فرقتين بحجم الشباب و النصر بقوتهم الشرائية الهايلة
ومحترفينهم المرعبين ومرمى الزمالك متهددش بفرص مؤكدة غير على استحياء دلوقتي اللي مكنش بيعرف يباصي اتعلم الباص اللي كان بيتخض وبيهرب من الكورة لما تقرب منه دلوقتي بيقدم الحد الأدنى من الأساسيات
و بقى لينا شكل واسلوب في الملعب الراجل شغال ترقيع من هنا لهنا وحلب في لاعيبة لا تصلح واللي كان اخره 20 ٪ طلع منه 50٪ اللاعيبة كلها مقتنعين انه مدرب كويس و بيشتغل وبيحاول مع تيم منتهي الصلاحية انا مش قادر افهم ليه احنا مع أول وقعة بنهد كل حاجة رغم اننا رايحين البطولة بالاسكواد ده
والمشاكل دي معندناش أمل في أي حاجة أي مدرب أجنبي عنده افكار تحترم ، الافكار دي مش هتنجح الا لما توفرله احتياجاته والقماشة اللي هتساعده و بعدين قيمه بشكل كامل لكن بالحال ده النجاح ليه او لغيره مستحيل من الظلم انك تحكم على مدرب معندوش الا 3 ولا 4 لاعيبة في سكواد كامل ومطلوب منه ينافس على كل حاجة الكورة مش عافية وعمرها ما هتكون عافية والنجاح ليه عوامل مستحيل الصدفة تخدمك طول العمر افتكر بس معايا قبل 3 شهور الزمالك
كان بيقدم أسوء و أحقر كورة في الدوري وأسوء من فرق هبطت درجة تانية وقتها كنا بنخسر من طوب الأرض دلوقتي انت واقف على أرض صلبة وعندك حاجة باينلها بوادر مبشرة تقدر تبني عليها
الزمالك مع اوسوريوا يحتاج إلى تدعيمات يمكن أن لا ترتقي لمستوى اشرف بن شرقي او ساسي نظرا لوضع النادي الحالي لكنه حتما اذا تم تدعيمة بالعيبة تمتلك مواصفات اللعب مع الزمالك فإن اوسوريوا سينقل الزمالك مرة أخرى، الي منصات التتويج مهما كانت التحديات
