بعيدا عن اى شعارات او شجب وندب قد ينتهى بمرور الوقت وهذه طبيعة البشر.
لو سردنا سيناريو حوادث طريق الخارجة – اسيوط من سنة ٦٢ إلى ٢٠٢٣، مش هنجد اى اختلاف غير في الصورة والزمان والمكان وعدد وأسماء الوفيات والمصابين وأسماء المسؤولين، مايو ٢٠٢٣ صورة مكررة ليوليو ٢٠٠٩.
النهاردة في الوادي الجديد حاجات كثيرا اختلفت عن السنوات السابقة، الصورة نفسها اختلفت بجانبى طريق الخارجة – أسيوط، كل حاجة بتتغير الا سيناريو حوادث طريق الخارجة – اسيوط، مش بيتغير من ٦١ سنة.
الخلاصة في طريق الخارجة – أسيوط، وبالمناسبة ده منشور كتبته في نوفمبر 2021، بعد وقوع احد الحوادث الكبرى بنفس السيناريو، وقد تختلف التكاليف .
حادث الوادي حادث الوادي حادث الوادي
طول الطريق ٢٢٢ كيلو متر تم ازدواج ٣٠ كيلو من ناحية أسيوط وازدواج ٤٠ كيلو من الخارجة حتى البوابة وجاري العمل من جانب شركة النيل لإزدواج ٢٠ كيلو حتى النقب الجديد ، وجاري العمل في منطقة النقب بطول ١٢ كيلو تمهيد وازدواج .
المسافة دى بإجمالى ١٠٢ كيلو متر
يتبقي مسافة ١٢٠ كيلو متر ، لو الطريق بعرض ٨ متر تمهيد واساسات وربطة يبقي هيكلف حسب آخر المقايسات حوالى ٢٠٠ مليون جنيه وبحكم تصريحات الخبراء في هذا المجال الطريق يشتغل ويتحمل طبقا للكثافة المرورية ،
بعدها يحتاج لطبقة اخرى في حدود ١٦٠ مليون جنيه.
يبقي مبدئيا الطريق طبقا للمسافة المتبقية يحتاج مرحلة اولى ٢٠٠ مليون .
ويبقي طرح الحلول .
هل هناك إمكانية إعطاء الطريق لشركة بنظام bot، نظام حق الانتفاع.
هل هناك إمكانية إعطاء الطريق لشركة فوسفات مصر بحق إنتفاع، أو غيرها من الشركات والهيئات المصرية .
أو يتولى النواب عرض المطلب بالتكلفة وطرح الحلول على الحكومة .
اذا أردنا ازدواج الطريق لابد أن نساهم بطرح الحلول .