جريدة الأهرام الجديد الكندية 
مقالات مشابهة
ما حد شاف المسلسل لسه ولا عرفنا إيه القضية اللي بيناقشها اللي غالبا بتخص الستات .. لكن الهجوم الكبير والمسبق دا على إعلان المسلسل بيؤكد أننا فعليا ومن دون سابق انذار اتصدمنا لما اتواجهنا مع شكلنا في المراية فجأة وعلنا .. زعلانين ليه !
بلاش نكدب على بعض أيوه دا شكلنا ودا منظرنا في الشوارع ودي ملامحنا اللي شبه بعض ..نفس المعاناة والبؤس بكل تفاصيله جوه وبرا البيوت.. جايين النهاردة تتنمروا علينا بعد ماقنعتونا سنين ان الوصاية فرض وان الكآبة فضيلة وان الشيخوخة قبل الآوان والبهدلة والغم من سمات التقوى وحسن السمعة .. طيب رجعولنا بقا العمر اللي راح والحياة اللي ماعشنهاش كل الحكاية ياسادة أن صورة الإعلان كانت زي الطعنة اللي رشقت في القلب ..لطشتنا بالقلم ..ودلقت علينا جردل مية متلجة وداست على الجرح دوغري
وكشفت عن أننا مجرد شوية حزانى مركونين علي جنب في الدنيا .. فطبيعي لازم نغضب ونهاجم ألف مرة ..بنهاجم اللي هم النهاردة بيهجمونا وبيسخروا مننا بعد ماضيعتونا واجبرتونا على الخوف لحد ماتعودنا عليه .. عرفتوا ليه بنهاجم من قبل مانشوف المسلسل لأن من العنوان ماينفعش أبدا الحياة نكون تحت الوصاية ..ومين اللي هايرجع لنا اللي راح .. .هانشوف..
