جريدة الأهرام الجديد الكندية 
مقالات مشابهة
شريف رسمي
عصام الحضري أكثر لاعب في العالم كله ثارت حوله الأقاويل .. لاعب و مدرب مميز جدا في فنياته لكن ولا أحقر في سلوكه اشتهر بلقب الهارب لأن دي طريقته في ترك الأندية و المنتخبات التي يلعب لعلها بطريقة تكسف الحضري جه من دمياط كفر البطيخ للنادي الأهلي لعب فيهم ١٢ سنة أصبح فيها من أشهر حراس العالم كله
وعلي سهوة و بدون مقدمات اتفاجئ النادي الأهلي بهروب اللاعب لنادي مغمور بالنسبة لي اسمه نادي سيون السويسري و فشل في الاستمرار ، ورجع مصر يبكي في الفضائيات علشان يرجع النادي الأهلي لكن مش الأهلي اللي يقبل الاندال و لما لقي مفيش فائدة لعب للنادي الإسماعيلي ، ومفيش وقت عنده وقلب الاسماعيلي وراح علي الزمالك اللي فضل عليه نادي المريخ السوداني علشان يهرب من السودان كعادته في الهروب ، ويلعب لنادي الاتحاد
ويرجع المريخ و يسيبه و يروح وادي دجلة وبعدين التعاون السعودي و اخيرا ربنا كرمه واعتزل و يدخل مجال التدريب و يبدأ مسيرته بتدريب منتخب مصر أعظم المنتخبات الأفريقية والعربية بل و الشرق أوسطية بالكامل
وبعد انتهاء مهمته مع المنتخب المصري يتم تعيينه مدرب حراس المرمي للمنتخب الاوليمبي و اذ فجأة و كعادة الحضري يهرب من تدريب المنتخب الاوليمبي علشان يروح سوريا يدرب منتخبها
طب ليه يا حضري مش عايز تنضف و تغير أسلوبك القذر ده و طريقتك الرخيصة دي ؟!! فيها أيه لما تنهي تعاقدك مع منتخب بلادك بطريقة محترمة و تستأذنهم أنك ستدرب منتخب دولة شقيقة كلنا بنحبها و بنحب شعبها ؟!
ليه يا حضري دايما باصص للفلوس علي حساب القيم و المبادئ و الأصول ؟!!
حقك أنك تشوف مصلحتك في المكان اللي انت عايزه لكن حق بلدك عليك انك تسيب منتخبها بطريقة محترمة
ووطنية لأن مصر اللي انت هربت منها هي اللي عملتك و الأهلي أول فريق هربت منه هو السبب في اللي أنت فبه ولولاه كنت فضلت تلعب في مركز شباب كفر البطيخ لليوم كل انجازاتك و ألقابك اللي انت وصلتلها لحد ما أصبحت احد اساطير الفيفا مش بس بسبب تميزك كلاعب لكن الأصل فيها منتخب مصر والنادي الاهلي يا حقير
علي فكرة بقي أنت حد نحس يدوب وصلت سوريا وحصل فيها زلزال تم وقف النشاط الرياضي بسببه لأجل غير مسمي و في الغالب ستهرب من المنتخب السوري تروح علي اي فريق يعيطك أكثر
