بعد حملة الهجوم الشرسة التى تعرض لها الشاعر القبطي مينا مجدي وفى أطار رصد الأهرام لهذه الحملة تنشر الأهرام رد فعل الشاعر مينا مجدي على هذه الحملة حيث قال
بقالي فترة بتعرض لحملة وقحة من الإساءة علي السوشيال ميديا عن طريق شوية أشخاص فشلة ومالهمش قيمة
منهم اللي ميعرفنيش لكن فاكر إنه لما يهين شاعر معروف وشخصية عامة سيشتهر علي حسابه وميعرفوش إني لي تاريخ “يسد عين الشمس” وإني لي نجاحات لو فضلت أتكلم عنها محتاج شهور وسنين
ومنهم اللي موجودين للأسف في الوسط الفني المسيحي واللي اتعاملت معاهم شخصيآ ومشافوش مني غير كل خير لكن الغيرة عمت قلوبهم
فكرت أكتر من مرة قبل ما أكتب هذا الكلام وكنت هنزل كلامهم اللي بيدل علي سوء تربية وانعدام أخلاق وتدني فكري
![مينا مجدي](https://www.ahram-canada.com/wp-content/uploads/2023/01/مينا-مجدي.jpg)
لكن في النهاية محبتش أني أكون سبب في معرفة الناس بهم لأنهم ببساطة مغمورين وهيفرحوا لما أديلهم فرصة الشهرة حتي لو شهرة مؤقتة
والأغرب أن عدد كبير منهم كانوا بيبعتولي رسائل ويعبرولي فيها عن شدة إعجابهم بى واحتياجهم للدعم مني
وكنت برد عليهم بكل احترام كالعادة .. لكن للأسف طلعوا منافقين وآفاقين
طول عمري بسمع أن الناجح بيتحارب والشجرة المثمرة بتتحدف بالطوب
لكن دلوقتي اتأكدت بالتجربة العملية .. ماهو برضه في نوعيات من البشر مش قادرة تفهم لحد دلوقتي إن
“الموهبة والشهرة والنجاح ومحبة الناس” دول نعم وعطايا من عند ربنا مهما حاولوا ومهما عملوا مستحيل يقدروا يوقفوها
ربنا يديم عليا نعمته ويشفيهم من أمراض قلوبهم وعقولهم
إلى هنا أنتهى تعليق الشاعر مينا مجدي وقد رصدت الأهرام أيضا ردود أفعال عدد من كتاب الأهرام الكندي على حملة الهجوم على الشاعر مينا مجدي