الدقيقة ( 1)
فيه ناس بتعتقد أن المتدين لازم يكون متعصب، في الفكر المسيحي المتدين هو اللي شبه المسيح، وبالتالي لا يمكن يكون متعصب.
(الدقيقة ٢)
للأسف عدو الخير بيحب قوي حكاية التعصب دي، عشان يخللي الناس تعادي بعض، يعادوا بعض على فلوس، ويعادوا بعض على شهرة ومركز، وبعدين يعادوا بعض على عقيدة – ومن هنا بيجي التعصٌب!
فالتعصٌب: نوع من العداوة، العداء.
وهنا خبث الشيطان ومكره – كلما تزداد تديناً ياخدك في حتة: (التعصٌب) مش الوداعة.
التعصٌب واضح قوي في قصص الكتاب المقدس، مثلاً يونان – ليه يونان مرداش يروح نينوى؟
أبسط تفسير لأنه مُتعصَب! هو عاوز اليهود بس، طب ربنا باصص لشعب تاني.
وطلع أن شعب نينوى ده هيبقى مدرسة لكل الشعوب، بس ده شعب وثني؟ ليه عبادات وثنية وله حجارة بيعبدها وله سلوكيات وحشة، بس طلع عندهم إساعداد توبة وإستعداد حب أعلى كتير من اليهود.
لكن يونان وهو نبي عظيم كان جواه (تعصٌب)! مش كان يفكر أن فيه حد تاني ممكن يبقى بتاع ربنا _غيرنا_ هي دي فكرة التعصٌب، إن الواحد يحس إن إحنا بس بتوع ربنا، طب والناس التانية؟! .. لا .. ينفي عن أي حد تاني أي علاقة بربنا، وكأنه احتكر ربنا! ده كان تفكير الفريسيين والكتبة.
(الدقيقة ٥)
لئلا يكون فينا تعصٌبُ يعطًل إرادة الله، التعصٌب يُعطًل مشيئة الله!
(الدقيقة ١٠)
فيه ناس بتحب ربنا غيرنا برضوا، .. التعصُب معناه عداوة للناس وأي نوع من العداوة للناس هو عداوة لله.
أنا بتعجب أن فيه متدينين ومسيحيين، يتراشقوا بالألفاظ والتهم والشتائم لطوائف أخرى! إيه إللي بيعملوه ده؟ هو أنت بتعادي مين؟ افترض أن الأخر فيه غلط في عقيدته، هو أنت لما تكرهه تبقى أنت صح؟ دي الكراهية أصعب خطية، مين قال كدة؟! هي دي الطريقة اللي هتكسب بيها النفوس؟ أن أنت تفضل تشتَم وتغلط؟
ده تعصب أعمى، مش دي الطريقة خالص، حتى لو أنت متمسك بإيمانك، فين المحبة؟ أعظمهن المحبة.
التعصُب دايماً معه كبرياء وإدانة وقسوة قلب، ..
(الدقيقة ١١)
التعصُب يوصل إنك تقتل ناس لكن ضميرك مرتاح! وتعتبر أنك تقدم خدمة لله! ده موجود في كل عقيدة يعني.
كمان التعصب يخليك دايماً حاسس إنك بتفهم والناس مبتفهمش، طبعاً دي خدعة شيطان، معروفة يعني .. (ويل للحماء في أعين أنفسهم)، فدائماً مع التعصب فيه نوع من التعالي والكبرياء!التعصب دائماً معه حرفية بتجيب العمى!!
(الدقيقة ١٣)
في كل زمن الشيطان بيعوج (التديٌن) عشان يسحبه في اتجاه التعصٌب، لأنه هو عدو الحب.
الله محبة لكن التعصٌب عداوة.
التعصٌب معناه إنك بعدت خالص عن الروح القدس، الروح القدس هو روح الوداعة. الروح الوديع الهادي، هو روح الحب روح الصلاة روح السلام، ده روح الله.
بالتالي أي نوع من التعصٌب معناه: “إنطفا الروح تماماً” وبقى الإنسان ماشي بدماغه، بشعارات دينية، أياً كان، حتى لو كان حافظ الإنجيل من الجلدة للجلدة. لكنه أعمي!
وأعمى يقود أعمى كلاهما يسقط في حفرة.
وعشان كده كل المتعصبين دول عمالين يقعوا في حفر، ويتعبوا الكنيسة ويلخبطوا الدنيا.
(الدقيقة ١٤)
كمان التعصٌب الواحد بينقاد لذاته مش لصوت المسيح، المتعصبين بيتصوروا إنهم مدافعين عن الحق، على فكرة إللي صلبوا المسيح كانوا شايفين إنهم بيدافعوا عن الحق، وإللي رجموا اسطفانوس كانوا شايفين أنفسهم بيحموا الحقيقة.
(يتبع)
![](https://www.ahram-canada.com/wp-content/uploads/2022/01/243051461_1975502842617305_9058771878718761372_n.jpg)