جريدة الأهرام الجديد الكندية 
مقالات مشابهة
رامى كامل
اللى فى الصورة ده الاستاذ ايهاب أنور بيشتغل محامى عند التقدم بوظيفة بالشئون القانونية لدي شركة كبري وأثناء استخراج أوراق التعيين تفاجيء أن عليه شهر حبس واجب النفاذ “تخيل الصدمة” و بعدها بص على خانة القضية اللى اخد فيها الحكم لقى انها “سرقة تليفون محمول”.
نقف هنا لحظة و تخيل حضرتك انت إنسان محترم موظف أو صاحب عمل و اتفاجئت انك مطلوب فى “سرقة” قضية مخلة بالشرف بتدمر حياتك ، وده اللى حصل مع أ.ايهاب.
نكمل اللى حصل اتحرك بعدها أ.ايهاب أنور عشان يعرف القصة فعرف أن القضية متعلقة بتليفون محمول تم سرقته
و اتحط فيه “خط” مسجل باسم أ.ايهاب أنور وهو لا يعلم عنه شيء ولبس له علاقة به لا من قريب أو بعيد .
بمراجعة الشركة قالوا ان حصل “خطأ” فى السيستم و أن “مفيش عقد” باسمك على الخط ده.
بدأ أ.ايهاب يتعامل على القضية اللى بتمس سمعته و اضطر بسبب نزول قوة تنفيذ الأحكام أنه يسيب مكتبه
و منطقته و معاهم سمعته اللى تضررت لمدة سنة كاملة عايش فى جحيم.
والانهيار لم يتوقف عند هذه المرحلة لكن امتد لباقي العائلة فلما بنت اخت أ.ايهاب وهى متفوقة قدمت فى النيابة الادارية خرج قرار الاستبعاد مقرون بسبب أن خالها عليه سابقة مخلة بالشرف .
بعد سنة من الاجراءات والرعب و تدمير سمعة إنسان ملتزم بكل معنى الكلمة خرج القرار ببراءة أ.ايهاب بعد تقارير من عدة أجهزة فى الدولة تثبت أن الخط لا يخص ا. ايهاب وأن مفيش عقد مع الشركة وأن البيانات المذكورة تم الاستيلاء عليها بصورة غير شرعية.
وقد تم صدور حكم نهائي من المحكمة الاقتصادية بالتعويض أ.ايهاب النهاردة بيأخذ الخطوة التانية ضد عملاق الاتصالات فودافون لحماية نفسه ، وحماية كل من تعرض لموقف مشابه وأول قضية هى ايقاف تراخيص شركة فودافون مصر ” Vodafone Egypt“ لأنها بتدمر حياة الناس.
ماذا لو كان الخط ده ارتكب به جناية أخطر أو جناية تمس أمن مصر القومى ؟ كل الدعم و التضامن مع أ.ايهاب فى قضيته ضد فودافون و ارجو دعم كل شخص بيشوف انه ممكن يكون مكان أ.ايهاب.
