جريدة الأهرام الجديد الكندية 
مقالات مشابهة
كتبت جورجيت شرقاوي
انهارت السيدة وفاء والدة الشماس ماجد اشرف نعيم المختفي
وقالت :” مشفتش ابني لحد دلوقتي ، معقوله فيه أم متعرفش عن أبنها حاجه لحد دلوقتي ، أنا أم مش قادرة أعيش من غير ما أشوف ابني
لافتة : أن أبنها طالب و كان مفترض يدخل كليته ومشفتوش و مدخلش
دة ولدي انا عايزة أبني ، فينك يا أبني يا حبيبي ، هاتلي ابني “
وانهارت والدته في البكاء وواصلت : أنا تعبت ولي أكثر من شهر و نصف مشفتهوش
مفيش أم تستحمل بعد ابنها ومتشفهوش كل الفترة دي ومتعرفش عنه حاجه
فين أبني عايزة أعرف أبني فين ”
استغاثة للرئيس السيسى
وجهت خالته استغاثه لرئيس الجمهورية ، قائله “مش طالبين غير ابن اختي ، عايزينه ومربينه و تعبنا فيه
وحرام اللي بيحصل فينا ،هو في كلية و مش طالبين غير أبننا و ده حقنا و تابعت ببكاء ”
اتوحشناه و اتوحشنا دخلته ورؤيته و ده ابنها حرام عليكم”
يذكر أن السيدة وفاء قد ناشدت الرئيس السيسي في مقطع فيديو أخر تم تداوله عبر منصات التواصل الاجتماعي تغيب ابني منذ شهر ونصف وأناشد رئيس الجمهورية التدخل يساعدني حتى أعثر على ابني، كما اناشد جميع الجهات المسؤولة .
موضحة :” كنت توجهت الى القسم للابلاغ عن ابني المختفي و دا ابني الوحيد معنديش غيره و اكدت علي انه لازال مسيحي الديانه .
كان الشماس ماجد أشرف نعيم من شبرا الخيمة قسم ثان، تغيب منذ ٢٨ أغسطس وهو طالب بكلية الإعلام بالسنة النهائيه بجامعة ٦ اكتوبر ، وهو أيضا شماس بكنيسة مارجرجس و الأنبا شنودة بشبرا الخيمة
حرر محضر بالواقعة و تم استلام الرقم بعد أكثر من شهر بتاريخ ٢٠ سبتمبر بعد إطلاق الاستغاثة الأولي
و هو ايضا يتدرب ويعمل بالإخراج بأحد المؤسسات بمنطقه شبرا الخيمة.
والدة الشماس ماجد اشرف نعيم المختفي 
والدة الشماس ماجد اشرف نعيم المختفي
