جريدة الأهرام الجديد الكندية 
مقالات مشابهة
علقت السيدة أميرة حافظ أوهيرو الجالية المصرية بالسعودية على كلا من المذيعة رضوى الشربيني و ياسمين عز وما احدثوه من مشاكل داخل البيوت المصرية بتصريحاتهم المستفزة حول العلاقات الزوجية فقالت الأتى
رضوي الشربيني
رضوى الشربيني تشجع السيدات على التبجح وعدم حمل المسئولية مع الرجل أو التعامل معه بهدوء..
تدعو للندية في الحديث ، في الواجبات ، في الحقوق وكأن الزواج فقط للتدليل والمتعة
دون أدنى مسئوليات من الزوجة ، تخاطب فئات مختلفة من السيدات منهن البسيطات اللى بيحسبوا
كل جنية علشان حياتها تمشى
والسيدة رضوى الشربيني تضع ماسكر فقط براتب زوج مطحون لشهور عديدة ، والبسيطات
للأسف يصدقوا تصريحاتها ، وتبدأ الخلافات مع الزوج وتنتهى العلاقة الزوجية بالطلاق
رغم أن عمر نجاح الحياة الزوجية ما ياتى بالتحدى ، والصوت العالي ومقولة ” زيي زيك أصلا ..”
ياسمين عز
حاجة كدة ملهاش لا طعم ولا لون ولا هدف في برامجها ، ومنذ فترة قليلة كانت تتفنن في إظهار مفاتنها أمام الكاميرات ، طرأت فى ذهنها مثل غيرها أن يكون لها جمهور تعمل ايه حضرتها !
تأخذ الوجه الأخر لرضوى الشربينى ، وهو الراجل مظلوم والست لازم تكون تحت رجله ومتقولش رايها حتى في نظافة البيت مثلا ( أدخل يا حاج بجزمتك ومرمط اي سجادة تعجبك في البيت ما هو كله من خيرك )
وكأن الجليطة وعدم النظافة سلوك لطيف وهيقبله اي راجل
كل الديانات تحث على النظافة يا ست ياسمين عز
( عيب تقولي لجوزك خد كيس الزبالة معاك ) معلش يا أستاذة ياسمين عز أصل معندناش شغالة زي حضرتك الست لازم تفهم جوزها من غير ما يتكلم ( صح جداً على فكرة ) لكن عشان تفهمي جوزك لازم تكوني عاشرتيه فترة وفهمتي دماغه ، يبقى المتزوجة حديثا تنفصل
ارحمونا يا عار الاعلام البنات بيخرجوا من بيوت فيها آباء ربت وأمهات نبهت ، ووجهت وعلمت
مش محتاجين عاهات الشاشة الفكرية تضع سم للبنات من خلال رضوى ، ولا أفكار تقلب الرجل على زوجته مثل ياسمين عز
منذ سنين لخصت الاعرابية الحياة الزوجية في جمل قمة في الأدب والبلاغة
” كوني له أمة..يكن لك عبدا “
“كوني له أرض …يكن لك سماء”
