جريدة الأهرام الجديد الكندية 
مقالات مشابهة
مجرد تساؤل وبهدوء .. إيه اللي يخلي كاهن ينفعل وهو على المذبح ويطلب بطرد احدى السيدات وطفلها من الكنيسة بالشكل ده في مقطع منتشر لمدة ثواني فقط .
للأسف اللي بيحصل من سلوكيات غير منضبطة في قداسات أغلب الكنائس الأرثوذكسية مابيحصلش في الكنائس الأخرى خاصة الكاثوليكية واللي ترن فيها الأبرة تتسمع وفيها أطفال برضه
فتلاقي حالة من فرط الحركة غير المبررة ..طالعين داخلين وشوشة وململة وعدم تركيز ومراقبة حركة المصلين دا غير زهق وزن الأطفال اللي برضه مش قاعدين دقايق على بعضها ربما بسبب طول القداس أو ربما تعرض أحدهم لألم أو لإصابة ما أو بسبب الرغبة في النوم أو الجوع أو العطش قبل التناول
وهنا للأسف أغلب الأمهات بتتعامل بمنتهى الحمق مع صغارهم ..فإما لا تبدي أي اهتمام أو تصرف بمعنى تسيبه يضرب راسه في الحيط من البكاء والزن حتى لو هايسبب ازعاج داخل الكنيسة
من دون أي محاولة لتهدئته أو الخروج به لفناء الكنيسة لوقت .. أو أنها بكل ثبات تقوم بتعنيفه بالضرب أو قرص الخد أو لي الأذن أو الذراع ( المهم تكون حريصة جدا على الإلتزام أنه ما يدوق نقطة ميه لو روحه هاتطلع ..بفرض لو دا السبب )
ثانيا : لا يليق إطلاقا بل وقبيح جدا عدم التهذب السلوكي وعدم التركيز مع الكلمة داخل الكنيسة فمدلولة أن الأمر مجرد اعتياد فقط خالي تماما من الشغف القلبي واليقين الحقيقي بالحضور الإلهي المهيب
لذا نشهد الكثير من هذا الاستهتار وعدم الانضباط
يبقى السؤال أيه اللي يوصل كاهن على المذبح لا يضبط انفعاله بهذا الشكل خاصة وأنه ليس حديث العهد بالكهنوت أو في التعامل مع الشعب واللي قد يدينه عنف الأسلوب
هل الأمر فوق طاقة التحمل !
التجاوز فين ..؟! مجرد تساؤلات والأمر قيد التحقق .
أحب اعرف الوصايا العشرة من إنسانة كاثوليكية: مع كل الحب والأحترام