جريدة الأهرام الجديد الكندية 
مقالات مشابهة
بلاش تمسكوا فى اَي راهب فى الدير وتحكوا له علي تفاصيل حياتك الشخصية
هو مش أب اعترافك ، مش لازم تروح الدير تصلي علي دبل الخطوبة
دول ناس اختاروا دنيا تانية أصلا
– لما تلاقي يا حبيبتي راهب ماشي فى الدير مش لازم تمسكي فيه وتحكي له علي خناقاتك مع خطيبك أو جوزك انتي بتروحي البيت كويسة وهو بيروح قلايته يتحارب
– مَش لازم لما يبقي في جنازة أو فرح تكلموا قريبك الراهب ينزل يحضر معاك هو مات عن العالم دة
– لما تروح الدير متاخدش معاك هدايا هو اختار الفقر يا أخي … أنت كدة مش بتريحه… أنت بتتعبه
– لما اتنين يروحوا الدير مخطوبين أو متجوزين لا تمارس الرومانسية امام ناس اختارت البتولية
أرحموا مِن فى الأرض
– لما تسمع أن أبونا فلان أو الراهب علان عمل معجزة حتي لو متأكد مش لازم تشاركها فى كل مكان
أنت لا تستطيع على الحرب التى ستقوم عليه بسببك
– يا جماعة مش كل الرهبان كهنة مينفعش نتحايل عليهم يسمعوا اعترافات وبعدين مش أبوك الروحي ده لازم يتابع معاك علي طول ولا حاتكلم ابونا الراهب تعترف له live .
– لما تروح الدير وتلاقي راهب أو طالب رهبنة مضطر (عشان دي خدمته) يتعامل مع حضرتك لا تتحدث معه كثيراً انت مش عارف قانونه الروحي ايه / خصوصا لو حب يختصر الحوار.
وياريت البنات لما تروح دير ياريت تلبس لبس يليق بالدير اللي رايحه له هى رايحه تأخذ بركة يعني بلاش تلبسي ملابس ضيقة وقصيرة أمام راهب هو اختار ربنا فمش لازم يبقى احنا والشيطان عليه ومتقلوش هو يبص ليه مش راهب بس الراهب ده كان إنسان زينا وأهو اختار ربنا فالمفروض نساعده مش نخلي الشيطان يغويه
وعلى ابن الطاعة تحل البركة
