جريدة الأهرام الجديد الكندية 
مقالات مشابهة
العمل فى مهنة الأرشاد السياحى يتطلب مهارات لغوية ومعلومات فى جميع المجالات ده طبعا موش كلامى انا لوحدى ، ده كلام كل المرشدين ذوى الخبرات
المهم شركة اتصلت بى أعمل يومية بالأقصر وكانت الشركة واضحة منذ البداية أن اللى الجيست اللى حشتغل معاه هو من الصم والبكم !!يمكن دى تانى مرة أتعرض لموقف زى ده !! فى المرة الأولى منذ عشر سنوات كانت معى مجموعة وكان من ضمنها مجموعه صغيرة صم وبكم ومعهم ليدر ابكم يفهم لغة الأشارة !!
سهل على الموضوع وخصوصا أنه كان يفهم كلامى من حركة الشفايف ثم يقوم بترجمة ما اقوله بلغة الأشارة للزبائن وعدى الأسبوع !!
ولكن هذة المرة أتى هذاالجيست وسط مجموعه المانى !!وكان طالب مرشد برايفت !!المهم قبلت الشغل وكان تحدى بينى وبين نفسى !!وفكرت فى طرق عديدة اعرف اوصل بيها المعلومه للجيست !وعملت خطة
١- كتابة ما أشرحه فى نوته واترك الجيست يقرأه .ولكن هذة الطريقة تصلح للجمل القصيرة مثل برنامج الرحلة وخلافه .
٢- تحضير مواضيع مكتوبة فى فايل وجدت أنها طريقة عملية ، وخصوصا انه عندى فايل قديم به بعض المواضيع الهامه فى الشرح !!مثل اسماء الالهه وشرح تخطيطى للمقابر وصورها الهامة وخريطة لمصر وتطور المقابر وتاريخ مصر مختصر بالتواريخ واسماء الملوك وغيرها من المعلومات الاساسية..
٣- برنامج جوجل للترجمة الصوتيه عن طريق تحويل الكلام الالمانى لكتابه بالالمانى !!عندما قابلت الجيست ،عرفته بأسمى وببرنامج الرحلة بالكتابة !! ثم بدأت بشرح تاريخ الأقصر ومصر كتابة وبعد ذلك اعطى له الفايل ليقرأ بعض المعلومات !!وهكذا ..إلى ان وصلت لوادى الملوك وشرحت له النقاط الاساسية كتابة !!
وكل نقطة عايزة توضيح اشرحها باستفاضة عن طريق برنامج جوجل للترجمة الصوتية !!
وبعد ذلك اوضح له المقبرة فى الفايل ، واعطى له الفايل ليرشده عن النقاط المهمه فى المقبرة !!
زار ٣ مقابر بهذه الطريقة وشرحت له حتشبسوت بنفس الطريقة ثم الكرنك ايضا ،كان يوما شاقا ولكن ممتع فى نفس الوقت !! كم كنت سعيد وأنا ارى نظرات الرضا وكلمات الشكر فى اخر اليوم من هذا الجيست والحمد لله على نعمة القبول ..
انتظروا مقال أخر وتجربة ارشادية مع الأطفال الألمان !!
