جريدة الأهرام الجديد الكندية 
مقالات مشابهة
فى اطار الأزمة الاقتصادية التى تشهدها الدولة المصرية والعالم بشكل عام تلك الأزمة التى جعلت مبادرة تلو الأخرى تخرج من أجل تسهيل الزواج ، فمن ينسى مبادرات زواج بلا نيش ، زواج بلا غرفة نوم أطفال
واليوم خرجت علينا مبادرة جديدة وهى زواج بلا بوهيا وتدور فعاليات المبادرة بعدم قيام العروس باستخدام المكياج فى ليلة الزفاف حتى تستطيع توفير ما يقرب من ال 7 الاف جنية
حيث نشر الدكتور أحمد حنفى الباحث والمحلل الاقتصادى تفاصيل ثانى واقعة زواج فى مصر بلا بوهيا قائلا
ثانى عروسة قررت تتنازل عن المكياج ، قررت تتنازل عن وش الزيت والجير والجبسبسم
ماشاء الله تبارك وشها منور بدون وش معجون بدون البوهيا ، بدون ال7000 اللى ممكن تشترى ب 2500 ماتريالز تكفيها طول السنة ، وفرت 800 جنية فوتوسيشن والتصوير بكاميرا اى فون محترم لاحدى زميلاتها
الموضوع مش فلوس الموضوع اقتصادى جدا من وجهة نظرى ( يعنى بننظر للقيمة وليس للمادة والعوائد المترتبة) 7000 جنية دى تنزل بهم مصيف أنت وهى كام يوم تتهنوا بيهم أفضل من ساعتين مظاهر
وفى الاخر هيتشال كل الكلام دا ممكن جدا تعمل بدائل اى واحدة شاطرة من أصحابك هتزوقك اى ميكب ارتيست أسعارها معقولة نشجعها ، أو ممكن حضرتك تحترفى ميكب ارتيست فى خلال شهرين قبل الزواج وأهو تتعلمى ازاى تتجهزى لجوزك وتوفرى كتير لكن ٧٠٠٠ جنية دى أغلى من مصنعية نقاشة الشقة من وجهة نظرى
مافيش حاجة أسمها ليلة العمر لكن فى حاجها أسمها ليالى ألف ليلة وليلة بينك أنت وزوجتك تتفسحوا وتشوفوا أماكن جديدة وتتبسطوا والفضل كل الفضل لمن يتدبر
العالم كله بيتغير العالم كله بيكفر بالمظاهر العالم كله أصبح أكثر عمليا العالم كلة يتجه نحو الاستغلال الأمثل للموارد واحنا لسه بنجرى ورا مظاهر كذابة
#بلاها_نيش#بلاها_بوهيا#بلاها_استغلال
عروس بلا بوهيا 
عروس بلا بوهيا
