جريدة الأهرام الجديد الكندية 
مقالات مشابهة
هاجم الناشط القبطى شريف رسمى مبروك عطية الملقب بالشيخ مبروك عطية بعد تصريحاته الأخيرة حول مقتل نيرة أشرف طالبة جامعة المنصورة قائلا
شيخ وسطي كيوت بيقولوا عليه متفتح و مستنير اختصه رئيس الجمهورية بنفسه بمداخلة جعلت له حيثية
وشهرة أكثر بكثير من شهرته الأولي .. الشيخ والأمام والداعية والمفتي مبروك عطية
خارج علينا بعباية البيت المقلمة وعمال يحزق شوية ويخنف شوية ويعوج بقه شويتين
بيعلق علي حادث مقتل طالبة جامعة المنصورة علي يد زميلها لأنه رفضته وبيلوم على اللي تاركه شعرها مهفهف علي وشها ولابسة بنطلون
وبيطالب البنت والست تنزل من بيتها زي القفة ملهاش ملامح حتي لا تثير مشاعر الرجل الذكورية
وبيقول بمنتهي الوضوح اللي عايزة تعيش تتحجب بدل ما تتقتل
يا شيخ مبروك اللي انت بتقوله ده سوي عن علم أو عن جهل هو تحريض و تشجيع علي قتل الغير محجبة
يا شيخ مبروك يا راجل يا مستنير لو فرضنا جدلا أن كل نساء المسلمين اتحجبوا وأصبحوا زي القفف كده أنت بتحرض علي قتل نساء وبنات المسيحيين لأنهم مش حيتجبوا ومش حيرضوا يكونوا قفف
ليه يا شيخ بتنسوا أن في شركاء في الوطن و دائما كلامكم موجع و مؤلم بل ومثير للفتن وكأنكم وحدكم في البلد
لما شيخ مستنير ووسطي كيوت يكون ده كلامه أمال شيوخ الوهابية والسلفية بقولوا أيه ؟!!
اخيرا يا شبخ مبروك يا اللي بتصطاد في المية العكرة .. قاتل طالبة جامعة المنصورة قتلها لأنها رفضت الأرتباط به مش لأنها غير محجبة
القاتل حبها و اراد الزواج منها وهي مش محجبة
القاتل حبها رغم أنها مش قفة
