جريدة الأهرام الجديد الكندية 
مقالات مشابهة
نازك شوقي
اشتعلت الساحة الفنية أو لنقل الساحة المصرية بعد تصريحات الفنان حسن يوسف حول القبلات فى الأفلام المصرية القديم حيث قال فى تصريحات سابقة القبلات ليست حراما مضيفا “ما كانش ليها طعم وكنا بنتمضمض بعدها فما تعتبرش حرام”.
رد الفنان حسن يوسف على الجدل المثار حول تصريحاته الأخيرة حول القبلات وأنها كانت خالية من الإحساس.
وأثار هذا التصريح جدلا واسعا خاصة بعدما أضاف يوسف أن تلك القبلات ليست حراما مضيفا “ما كانش ليها طعم وكنا بنتمضمض بعدها فما تعتبرش حرام”.
وفي تصريحاته لبرنامج ET بالعربي، قال حسن يوسف تعليقا على الأمر “مش عاوز أتكلم بالموضوع ده ملوش لازمة”
وتابع “أنا مش هقدر أقول حرام ولا حلال أنا مش شيخ أو مفتي علشان أقول حرام أو حلال، أنا بهزر معاه بقوله لا لون ولا طعم ولا رائحة زي المياه بالظبط حتى تدخل تتمضمض بعدها تلاقي نفس الطعم قالك تدخل تتمضمض علشان ده حلال ولا حرام وقال حاجة من عنده”.
وعن رأيه في تقديم القبلات في الوقت الحالي في الأعمال الدرامية قال حسن يوسف “أنا مش عاوز أتكلم في الموضوع ده موضوع مالوش لازمة يتسأل عنه أصحابه واللي بيأدوا نفس المشاهد”.
أما عن رؤيته للفن إذا كان حلالا أم حراما قال حسن يوسف “أنا سمعت من الشيخ الشعراوي كنت قاعد معاه وبسأله قالي هي الكوباية اللي قدامنا دي بنشرب فيها ايه قولتله شاى فقال لي “لو حطينا بدل الشاي خمرة قلت له ده يبقى حرام فقال لي “ايه ذنب الكباية قالي الفن زي الكباية دي تقدم فيه حلال يبقى حلال وتقدم فيه حرام يبقى حرام يعني رأيي بسيط ومقنع جدا”.
