جريدة الأهرام الجديد الكندية 
مقالات مشابهة
فمنذ ان بدأوا فيما يسمى بالتطوير لهذا الكوبرى ونحن نعيش مأساة حقيقية هذا الكوبري يعد شريان رئيسي لسكان شبرا الخيمة، إذ ينقل المواطنين من أعلى خطوط السكك الحديد ومترو الأنفاق وصولا بطريق مصر اسكندرية الزراعي وهو الرابط الاساسى لمحافظة القاهرة بشبرا الخيمة ومنه الى الطريق الدائرى وبنها الحر وجميع الاحياء
هذا الكوبرى ياسادة كان يعانى من اتساع فتحات الفواصل منذ زمن فقامو مشكورين بكحت طبقة الاسفلت والعمل على اصلاحه فهللنا وصفقنا واطنططنا من الفرح معقول المسؤلين عن الحى واخدين بالهم مننا الحمد لله احنا كده على الخريطة دا احنا عايشيين يا ولاد وفات اسبوع واتنين وتلاتة وشهر واتنين وتلاتة وهوبا طقط فى دماغهم يعملوا تجديدات كاملة طب يا جماعة يا محترمين سفلتوا الكوبرى اللى بقى عرجة وعريجة
وكملوا تجديداتكوا المبهرة لكن ازاى لازم نشيل كله وهيلا بيلا يا مبارك وابتدو يخلعوا اعمدة الانارة والسور الحديد وهدم التليتوار والارصفةوخلوا الكوبرى حاجة كده مسطحة وغير ممهدة تماما وسابونا مع الاقدار كل يوم نركب بساط الريح والسيارات تمشى على هوى الطريق وليس قائدها فهو اصبح مسير
وطبعا ما يخفاش عليكوا التكاتك والميكروباص والكارو والملاكى والنقل والاتوبيسات والموتسكلات والتروسيكلات والدراجات كل ده بيمشوا عليه وكل يوم والتانى نسمع عن حادثة تقشعر لها الابدان اللى فيها وفيات واللى اصابات واللى الحمد لله حادثة واللى فيها طلعوا سلام بس اتخانقوا مين الغلطان واتنقلوا على المستشفى او راحوا قسم الشرطة اقول يارب ميسكنش فى منطقطنا واحد من المسؤلين علشان
قوم الصبح نلاقى الكوبرى سوبر لوكس والشوارع نضيفة ومتشجرة ونلاقى رجال المرور بينظموا الطريق حتى لغاية مايعدى وبعدين يقضوا يومهم براحتهم
وابدء اسرح بخيالى ملقيش شركة مقاولات بجد شغالة فى الكوبرى بدل عمال اليومية الذين لا يتعدوا الثلاثين فرد ومعداتهم بدائية وهذا لا يتطابق مع ما نراه من الانجازات والطفرة الهائلة فى منظومة الطرق والكبارى ولا الشركات دى على الورق والفواتير وبس وبعدين مين بيحاسبهم على الجودة و الوقت اللى امتد لشهور واحنا بنستنزف فى الحوادث واهلاك المركبات وقطع غيار ومضيعة الوقت واسرح بخيالى واقول هما فين نواب الشعب عن دايرتنا ولا هما كانوا بيتمسحوا فينا لحد ما ياخدوا اصواتنا وخدوا معاها حقوقنا حتى فى حياة بسيطة بنحلم نعيشها
ولكن احقاقا للحق قام مشكورا بحسب بيان صحفى اللواء عبدالحميد الهجان محافظ القليوبية، موجها بزيادة الاعتماد المالي للكوبرى إلى نحو 40 مليون، وهذا لم يغير شئ فى بطء العمل وايضا النائب اشرف امين تقدم بطلب إحاطة للمستشار حنفي جبالي رئيس مجلس النواب لتوجيهه لكل من رئيس هيئة الطرق والكباري ورئيس مجلس إدارة شركة قها للمقاولات العمومية بشأن بطء العملية الإنشائية بكوبري أحمد عرابي وشارع أحمد عرابي.
والمجلس مشكورا ماهتمش بس انا عايز اقول لمجلس النواب الموقر ان المواطن البسيط اللى انتوا مش واخدين بالكوا منه هو اللى بيدفع كل ما عليه من التزامات للدولة
وهو برضوا اللى اتعمل علشانوا مجلسكوا علشان تكونوا صوتوا وتحققه حلمه البسيط وهو انه يحس بٱدميته وميبقاش شايف تعبه وعرقه وحياته بتتسرق منه وهو مبحوح الصوت مسلوب الارادة مكبل اليدين استحلفكم بالله عليكم احنا بنى ٱدمين وفقكم الله وانار بصيرتكم وايقظ ضمائركم وسدد خطاكم من أجل هذا الوطن الغالى علينا جميعا ” وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ”
المواطن ماهرحنا
