جريدة الأهرام الجديد الكندية 
مقالات مشابهة
يعني أيه كل أسرارك المالية – فلوسك- أرباح شهاداتك – توكيلاتك- ديونك – مدخراتك – ايداعاتك -دفاتر توفيرك
كل ده مع أمك وأبوك وأخواتك بس ..أومال الولية مراتك وأم عيالك وشريكة حياتك دي موقفها أيه من الموضوع ده.
طيب لو جرالك لا قدر الله أى حاجة
ساعتها….مراتك هتصرف ازاي وتروح لمين وفين..عن هذا الموضوع شديد الحساسية
أتحدث..بعض الأزواج… لا يفضي لزوجته وشريكة حياته بأي معلومات
أو بيانات ماليه تخصه كأن ماله ده مال قطاع عام…ملهوش أي علاقة ببيته ولا مراته ولا عياله.
واللي يخليك مندهش كمان أنه بكده بيعتبر نفسه قمة الحكمة والذكاء
وراجل حويط ويقتصر كل دوره المادي في علاقته بمراته وعياله
أنه بيأكلهم وبيشربهم وبيلبسهم وبيصرف عليهم…أما أسراره المالية الأخرى بيعتبرها قدس الاقداس وسر الأسرار
وكأن مراته لو عرفتها..يبقى مسكت مفاتيح الصواريخ النووية في البنتاجون…ممنوع عليها السؤال عنها او حتى مجرد التفكير في معرفتها.
يا سيدي طالما ارتضيت أنت وهى انكم تبقوا شركاء رحله حياة فيبقى من أبسط المبادئ…تكونوا واضحين مع بعض وقدام بعض ، ولو انت عندك تحفظات موضوعيه عليها وأن معرفتها بأمورك المالية
ستسببلك المصاعب والمشكلات..وأنها غير جديرة بالثقة
حينئذ تصبح أنت وهى أمام مشكله من نوع اخر…
اكيد انتم الأتنين عارفين حلها بس حاطين راسكم في الرمل
استاذ دكتور فتحي الشرقاوى أستاذ علم النفس بجامعة عين شمس
