جريدة الأهرام الجديد الكندية 
مقالات مشابهة
عريس الإسماعيلية الهمجى المجرم بدل مايتحاكم على المشهد المقزز اللى عمله فى عروسته ودا حق المجتمع حتى لو العروسة مسلوبة الإرادة أو مجبرة على أنها تكمل حياتها معه نظرا لأن المتخلف ابن عمها وعمها بيقول أن هو اللى مربيها بغض النظر عن أن العم يقبل ابنه يعمل كدا فى بنت اخوه اللى غالبا يتيمة الأب لكن هانقول ايه غير من شابه أباه فما ظلم .. المهم الباشا فاكر نفسه نجم .. المذيع محمد الغيطى قال إنه طلب ١٠٠ الف جنيه عشان يستضيفه فى برنامجه بعد ما قال لفريق الإعداد أن بعض القنوات العربية عرضت على ٢٠٠ الف جنيه .. غير أنه طالع على اليوتيوب مع مراسل لأحد المواقع بيطلب منه نصيحة
تخيل عزيزى المواطن المحترم المراسل بيطلب نصيحة من هذا الهمجى .. فبيقوله لازم الواحد يبقى راجل فى بيته واستشهد بالدين .. ما علينا .. المتخلف ضرب العروسة فى الشارع قبل ما يكونوا بيت اصلا وفرج عليها مصر كلها وشايف نفسه كدا راجل وبينصح الناس وبينشر دعوته المتخلفة على العامة
أنا مش فاهمة هم واخدينه قدوة وبينجموه وبيكفأوه بمبالغ مالية على تخلفه وجهله وعدم نخوته وعدم رجولته .. بجد حاجة تقرف سواء من الإعلام أو من أن الواد دا لم يحاكم حتى الآن ودا حق المجتمع والدولة والمرأة لانه دا حصل فى الطريق العام .. وعجبى
