جريدة الأهرام الجديد الكندية 
مقالات مشابهة
نشر شحاتة المقدس نقيب الزبالين اعتذرا للصحفى الروسى ولشعب روسيا على ما حدث له من تعدى أثناء قيامه بالتصوير قائلا
باسم نقابة الزبالين و باسمي الشخصي شحاتة المقدس و بصفتي نقيب الزبالين اتقدم بخالص الاعتذار للصحفي الروسي السيد ارسيني كوتوف و للسفير الروسي السيد جيورجي بوريسينكو في مصر بل و للشعب الروسي بالكامل عما بدر من بعض من سكان الحي عن عدم فهم و سوء تقدير للموقف من التصرف الذي حدث لانهم سكان محليين بسطاء جدا بل مغرقين في البساطة ظنوا ان الصحفي يصور سيدة بدون اذنها و من المعلوم ان كل قوانين العالم تؤكدة علي استئذان صاحب الصورة قبل تصويره بالاضافة لتصريح من الجهة المعنية للصحفي و هذا ما سبب المشادة التي حدثت .. نحن كمصريين نحترم كل جنسيات العالم و خاصة ضيوفنا منهم و ندعو الصحفي السيد ارسيني كوتوف لزيارة مصر و المجئ لحي الزبالين نحتفي به كصديق و اخ قبل ان يكون صحفي
شحاتة المقدس نقيب الزبالين
الجدير بالذكر أنه وقع اعتداء على الصحفى الروسى السيد ارسيني كوتوف أثناء قيامه بالتصوير داخل المنطقة
وقد علق الناشط شريف رسمى قائلا
لا يا عم شحاتة المقدس لاول مرة هختلف معاك يا صاحبي و أنت صديق غالي و طول عمرك رجل صادق ..
اولا : و مع كامل احترامي لحي الزبالين و كلهم فوق راسي لكن الصحفي الروسي اللي تم الاعتداء عليه في حي الزبالين كان في مهمة صحفية و معاه تصريح قانوني مش زي ما حضرتك بتقول علي كل القنوات أنه غلطان
و بيصور عشوائي بدون تصريح
ثانيا : وده الأهم و حضرتك بتقول عن المعتدين انهم رجالة صعايدة و يهمهم الشرف .. بذمتك ازاي مجموعة رجالة و صعايدة يقبلوا يعتدوا علي فرد بطوله وفي منطقتهم ؟! .. و أيه دخل الشرف في التقاط صورة لسيدة تعمل وسط اولادها الشباب ؟!
اعرف ان الدم الصعيدي يفور لو كان الصحفي اتحرش او عاكس السيدةثالثا : بتقول الزبالين ناس وطنيين و هم فعلا وطنيين .. و كأن الصحفي الروسي جاسوس أو عميل والزبالين خايفين علي مصر اعتب عليك أنك كررت في كل مداخلاتك أن الصحفي غلطان لأنه بيصور بدون تصريح و ده مش حقيقي و أنت دائما رجل صادق فالصحفي اخبرهم أنه صحفي و اخدوا منه الباسبور اللي مكتوب فيه أنه صحفي و قالهم أنه معه تصريح .. كون أنهم مش بيعرفوا انجليزي يبقي كانوا كبروك بما أنك كبير و نقيب الزبالين و جابولك الصحفي تتأكد بنفسك او تسلمه للشرطة تتحقق مش يقوموا بدور القاضي و الجلاد يا عزيزي طلبي منك انك تقول الحقيقة و عذرك انك قد تكون مش عارف ان معاه تصريح و ككبير تعتذر للصحفي الروسي و للشعب الروسي كله لأن الاعتذار في الخطأ من شيم الكبار
و انت من الكبار يا صديقي الغالي .. مش كدة ولا ايه
