جريدة الأهرام الجديد الكندية 
مقالات مشابهة
ليس من أحد فوق النقد ولا التعليم وأنا ككاهن أفرح حين يعلمنى أحد ويرشدنى فقط من فضلك وأنت تنتقد أو تعلم أو توجه ، تذكر أنك تنتقد وتعلم إنسان ، لا تسبه ، ولا تهينه ، ولا تقلل منه حتى يقبل منك رسالتك النصح من قلب ملىء بالمحبة والاحترام ،أما الإهانة من قلب يتصيد الأخطاء ملىء بالرفض والكراهية هناك العتاب الذى يكسب الأصدقاء ويكسب ود الناس ، أما الإهانات قليس معها الا كل شقاق وشكايه
ترى ماذا تنتظر من شخص تصفه بالجاهل أو المرائى أو عديم الفهم وتتعالى عليه هل سيسمع منك
أما ان اذانه ستقفل منك ؟
وعوضا ان تنير شمعة تشعل نارا!!!!!
طيب عايز أفكر معك يا ترى أنت هتكتب علشان أيه
1- تخدم …هل هتخدم ربنا والناس القريبة والناس البعيدة
2- تنصح ….هل هتكتب علشان تنصح اللى ليك اهلك ناسك
3- تفضح …. بشر ناس حتى أن كان بابا أسقف كاهن شماس خادم
4- تعثر …. اللى يقرا كلامك علشان تثبت أنك صح
ممكن بس تفكر قبل ما تكتب أنت عايز أيه فالاربعة اللى فاتوا
طيب حط نفسك مكان اللى هتكتب عنه !!!!
طيب تخيل أن أبوك هو اللى هيتكتب عنه !!!!
طيب الأيام جايه والناس هتتقابل هنقول أيه لبعض ؟؟؟؟؟
أيه رايك ؟؟؟
خليك نور وملح بدلا ما تبقى شى تانى
انصح بهدوء وعاتب بمحبة وعلم بسلام ووداعه
طوبى للودعاء لانهم يرثون الارض
ملاحظه كمان أنت كتبت علشان من وجهه نظرك فيه شخص أخطى طيب هو غلط تقوم أنت كمان تغلط طيب اللى بيسب بالأم والأب ويسفه هدفه الاصلاح
شوف الفارق الآتى
هناك فرق بين النقد البناء والنقد الهدام او التشهير
النقد البناء ننقد فيه موقف غلط وليس أشخاص … لا نذكر أسماء فيه
النقد البناء لا يحمل صاحبه مشاعر غيظ او يتربص لاصطياد الاخطاء … بل كما علمنا المسيح نستر على خطايا بعض
النقد البناء يكون بين الناقد والمخطئ مش في الشارع او على الفيسبوك كمرحلة اولى ثم على فم شاهدين او ثلاثة ثم للكنيسة
يسلام على ربنا يسوع المسيح رد على الست السامريه بادب جم قائلا اعطينى لاشرب وصدقينى يا امراءه واذهبى وادعى زوجك كسبها ومش هى بس كمان كل اهل مدينتها رابح النفوس حكيم
يعنى ايه ما نتكلمش نخضع وبس وابن الطاعه تحل عليه البركة عايزينا نصمت
أبدا عايزينك تتكلم ونفرح بكلامك ونشجعك وانت كلامك من فضه وتعليقاتك من ذهب وارائك من ماس هو فيه حد يحب حد احسن منه الا الاب اتمنالكم النمو والفرح والنقد البناء
